花貝日本料理 (Closed)

今日約左好朋友去銅鑼灣食lunch， 因為同好朋友好耐無見，佢又想食日本菜，於是就揾間環境較清優同埋高級的日本餐廳。 餐廳座落銅鑼灣開平道1號Cubus 6樓。 電梯門一開， 就見到一間好有日本feel的居酒屋， 感覺去左日本一樣。 店員好有禮貌帶入座， 餐廳有分吧枱同箱房。 我地就鍾意坐吧枱， 可以望到廚師同整野食過程。我點選omkase 五款壽司嘅餐。Omakase 有前菜， 壽司，卷物， 燒物， 烏冬等。五款壽司包括: 鯛魚， 秋刀魚， 魷魚，甜蝦， 鲭魚。 每一款只可以用新鮮， 甜美同好好食形容， 每一件入口的感覺， 好似親身去左日本食咁。 壽司魚的魚油香充滿口腔， 壽司飯已加少少醬油， 基本上都唔洗自己再點， 廚師已經調好哂味道。雞肉卷上碟係熱辣辣， 煎得香口， 中間配上蕃茄， 可以中和返雞肉的油份。天婦羅， 普通同高級餐廳的分別， 在於高級餐廳廚師在廚食時用油同給油的技巧， 天婦羅夾起身係非常脆口， 無多餘的油分， 脆卜卜入口。花貝日本料理帶比我五星級享受。