豊洲水産海鮮丼専門店 (Closed)

今日上晝同同事去見客，見完客大概十二點幾， 見到對面大廈上樓有間日本餐廳未食過，膽粗粗去試下， 一上到去裝修幾靚可能早唔係太多人，侍應介紹佢哋嘅招牌菜係食鮪魚，係日本築地新鮮運過來的值得試下，我就叫左飛天黑鮪大滿貫丼，同事就叫左 火燒海鮮丼，加多個照燒油甘魚大家食。飛天黑鮪大滿貫丼賣相唔錯，有三個唔同部位有大拖羅、中拖羅、赤身、加魚蓉。魚肉肥美鮮甜入口即溶非常好食火燒海鮮丼有黑鮪、三文魚、帆立貝、鰈魚邊、三文魚子，食材好新鮮，用火槍燒過後呈現半熟狀態， 散發出一陣陣燒香味。照燒油甘魚可能肉質問題食落比較煙靭小弟覺得一般。