Video
Read full review
2019-11-05
79 views
每逢星期五，都會周圍搵吓有咩新餐廳，想同另一半一齊explore一下。K11 Musea都開咗一段時間，但新餐廳數之不盡，當然仲未試得晒。今日就嚟到Dialogue食晚巿，估唔到都幾有驚喜！原來Dialogue都係SP flower & tea room嘅line，所以一入店舖就見到眼熟嘅靚靚蛋糕！見到甜品忍唔住口嘅我，未食正餐就點咗一件日本白桃伯爵茶蛋糕。伯爵茶做base嘅mousse cake唔常見，茶香四散，口感creamy幼滑，切開後仲見到白桃凍，味道非常之夾。嚟到tea house, 又點可以唔試下茶呢？點左一杯茉莉桂花鐵觀音冷泡茶。近年cold brew tea盛行，坊間多數都以綠茶或青茶去浸泡。鐵觀音茶始終係我至愛，有淡淡回甘，而呢個cold brew tea仲有茉莉桂花嘅清香，味道層次豐富，解膩解渴。過咗一陣，正餐茶泡飯就嚟到了。茶泡飯一共有三款，我揀咗汁燒安格斯牛肉茶泡飯。托盤上有一張卡指示食茶泡飯嘅步驟，非常細心。首先可以呷一口茶，品嚐茶嘅香味，再吃一口飯，感覺食材及米飯原味。之後再加入茶湯，享受茶泡飯。令我眼前一亮嘅係個茶湯—栗子煎，皆因佢嘅味道好獨特，清香又唔會
每逢星期五，都會周圍搵吓有咩新餐廳，想同另一半一齊explore一下。K11 Musea都開咗一段時間，但新餐廳數之不盡，當然仲未試得晒。今日就嚟到Dialogue食晚巿，估唔到都幾有驚喜！
原來Dialogue都係SP flower & tea room嘅line，所以一入店舖就見到眼熟嘅靚靚蛋糕！
見到甜品忍唔住口嘅我，未食正餐就點咗一件日本白桃伯爵茶蛋糕。
伯爵茶做base嘅mousse cake唔常見，茶香四散，口感creamy幼滑，切開後仲見到白桃凍，味道非常之夾。
嚟到tea house, 又點可以唔試下茶呢？
點左一杯茉莉桂花鐵觀音冷泡茶。近年cold brew tea盛行，坊間多數都以綠茶或青茶去浸泡。鐵觀音茶始終係我至愛，有淡淡回甘，而呢個cold brew tea仲有茉莉桂花嘅清香，味道層次豐富，解膩解渴。
過咗一陣，正餐茶泡飯就嚟到了。
茶泡飯一共有三款，我揀咗汁燒安格斯牛肉茶泡飯。
托盤上有一張卡指示食茶泡飯嘅步驟，非常細心。
首先可以呷一口茶，品嚐茶嘅香味，再吃一口飯，感覺食材及米飯原味。之後再加入茶湯，享受茶泡飯。
令我眼前一亮嘅係個茶湯—栗子煎，皆因佢嘅味道好獨特，清香又唔會太重味，不會喧賓奪主。下次一定會再嚟試試其他茶泡飯！
Post
