Video
Read full review
2010-12-29
62 views
每逢大時大節，人們總愛吃得特別點來慶祝。而我，則特別喜歡在大節期間吃吃蛋糕！是日與志同道俠興起到Zoe Cafe品嘗各款口味既蛋糕！Cafe位置較為遠離銅鑼灣既繁榮地帶，店內裝潢較為簡潔，加上落地玻璃同水晶吊燈，更令人有寫意之感。 店內只有6張枱而且不設訂枱服務。除了些油畫，最搶眼當然係放滿精緻蛋糕既凍櫃la~~ 可能係位置有限既關系，每位入坐既食客最少要惠顧$50，再另加一服務費！ 經過一番篩選，我倆共選了四款店員推介既鎮店蛋糕及兩個茶。 1459：這款名為1459既蛋糕，實為拿破倫。有聽聞1459之名既由來，係與拿破倫酥皮既層數有關，一直都好想試試此酥皮有幾鬆化！之前在灣仔工作時一直都無機會試到，最終是日一試…希望越大，失望越大… 首先，酥皮做到只有實脆，再者，餡料既Vanilla味不足… 可以話紅磡都會海逸酒店自助餐既芒果拿破倫餅更好，更值… Zoe：難怪此款蛋糕可與店名同叫Zoe！無論食幾多次，呢款榛子蛋糕都能打動我！Zoe分為三層，香濃榛子醬面，中間有海綿蛋糕，最底係朱古力脆脆！榛子醬面香濃且滑亦唔太甜，正與底層朱古力脆脆互相配合，甚得我心！ Chocolate mous
Cafe位置較為遠離銅鑼灣既繁榮地帶，店內裝潢較為簡潔，加上落地玻璃同水晶吊燈，更令人有寫意之感。 店內只有6張枱而且不設訂枱服務。除了些油畫，最搶眼當然係放滿精緻蛋糕既凍櫃la~~ 可能係位置有限既關系，每位入坐既食客最少要惠顧$50，再另加一服務費！
經過一番篩選，我倆共選了四款店員推介既鎮店蛋糕及兩個茶。
1459：這款名為1459既蛋糕，實為拿破倫。有聽聞1459之名既由來，係與拿破倫酥皮既層數有關，一直都好想試試此酥皮有幾鬆化！之前在灣仔工作時一直都無機會試到，最終是日一試…希望越大，失望越大… 首先，酥皮做到只有實脆，再者，餡料既Vanilla味不足… 可以話紅磡都會海逸酒店自助餐既芒果拿破倫餅更好，更值…
Zoe：難怪此款蛋糕可與店名同叫Zoe！無論食幾多次，呢款榛子蛋糕都能打動我！Zoe分為三層，香濃榛子醬面，中間有海綿蛋糕，最底係朱古力脆脆！榛子醬面香濃且滑亦唔太甜，正與底層朱古力脆脆互相配合，甚得我心！
Chocolate mousse cake：…朱古力醬加朱古力mousse加朱古力蛋糕…這個配合我見唔到有幾咁鎮店… Double Star Cafe 一樣做到…
Chocolate Cheese Cake：朱古力醬加cream cheese… once again有幾咁鎮店呢？
Earl Grey & Green Tea Tropical：Earl Grey 乃tea bag貨式，Green Tea Tropical則無綠茶香，且有過甜果味…
加插店內花絮一則：話說有四名ABC女子入店，坐下才知有minimum charge $50，即say sorry走夾唔頭。女侍應即與店內負責接電話既中年男人高談事件經過及發表個人感受…包括：「睇佢地都係想四個人叫一件蛋糕就算…」「睇死佢地四個就算坐低都唔會叫野飲，仲以為ABC好有錢！」香港係有言論自由，但下次請唔好仲有客坐緊係度時，發表呢d令人"銀"耳既言論。
總括而言：Minimum charge $50 似乎有d趕客，仲要加一服務費…加上只有Zoe算係好食而坊間難有代替品…所以下次外賣Zoe帶返屋企慢慢嘆好過~~
Post
