Poking

出去午飯經開蘇杭街，見到新開左間餐廳，比佢一碗碗彩色飯吸引左。裝修簡約清新。落單都幾方便，掃QR CODE 自助。店員都好好坐底就比左兩杯水先。餐單款款都好吸引，最尾揀左Creamy Baby 同 Sweet Up Your Life。碗飯送到黎都好靚、足料。朋友叫左Creamy Baby。入面有三文魚，豆腐，雞蛋絲，牛油果，青瓜，飛魚子，茶辣沙律醬，艺麻碎，炸蒜粒，木魚絲，壽司飯。材料好新鮮，朋友話好好食、份量足夠，又健康。我就要左Sweet Up Your Lite，材料有三文魚，芒果，牛油果，圓紅蘿蔔仔，青瓜，柚子醬，花生碎，芝麻碎，糙米飯。餐廳好貼心，飯既比例可以選擇，我唔想太飽就選擇咗一半飯一半菜，份量啱啱好，沒有浪費。所有材料都好新鮮，同埋芒果都好開胃。好岩鍾意健康、keep fit 既人。下次試埋其他款先。