樂天皇朝 (Closed)

今晚系尖沙咀食飯，一直都好想試樂天皇朝的8色小籠包，今晚終於可以一試啦！8色小籠包仲有介紹由原味至辣味順序一一品嘗。由原味開始，人蔘，鵝肝，黑松露，芝士，蟹粉，蒜香，川味。皮非常之薄夾起又不會爛，又多汁餡又新鮮，一夾拎黑松露已聞到啖啖黑松露香味，人蔘，芝士，川味味道好香濃，每隻小籠包都好有特色。麻醬油麥菜第一次凍食幾特別，將油麥菜卷住中間用一片青瓜片扎起，菜好爽脆點上芝麻醬更加美味可口。撈伴海中寶海蜇好爽脆又索埋醬汁的味道更加野味可口，蝦仁都爽口彈牙，老干媽什菌炒牛肉，牛肉炒到好嫩滑，又好夠味道。薺菜魚肉羹魚肉羹真是好足料，魚肉切到一粒粒又有豆腐粒又鮮甜。上海炒年糕，年糕好煙韌又有咬口，又不會太咸。桂花酒釀丸子，清淡桂花香味又不會太甜，丸子細細粒又夠煙韌。