叁不館

Open Now

Now Closed

叁不館可以話係香港最有特色嘅火鍋店之一，佢呢度所有嘅裝修都充滿懷舊嘅氣氛。仲播住香港嘅懷舊金曲，啱晒黎打卡，同埋一班好朋友想當年～〈今晚卜卜蜆鍋〉$198呢個咁趣緻嘅名啱晒呢度嘅風格。打邊爐之前先飲啖湯，十分清甜嘅蜆味，有芽菜、芹菜煮，唔鍾意浸味嘅要避免啦～主角卜卜蜆粒粒都夠哂肥美，份量都好多，點少少豉油食個鮮味仲更出！〈頂級安格斯牛頸脊〉$268例牌一份例牌有12至14塊，油脂分布平均，肉質夠林，係一份十分新鮮嘅牛，不過略嫌唔夠牛味。〈新鮮肥鵝腸〉$96店員特別推薦嘅鵝腸，肥就唔係好夠啦，應該叫半肥瘦鵝腸。但新鮮度就十分足，煮一煮啱啱熟就好爽脆，處理得好好唔會有腸味，鍾意食鵝腸嘅千祈唔好錯過！〈手打五寶丸〉$98有哂豬肉、鯪魚、牛肉、墨魚同蝦丸。全部都好爽滑彈牙，重料打到起晒膠。除咗豬肉丸同墨魚丸稍微普通。〈炸響鈴〉雖然佢係即炸，但係油溫唔係好夠，導致唔夠香脆，口感同包裝嘅差唔多。———————————————————————總括而言，呢到嘅食物都高質、新鮮，但係就偏貴，抵唔抵食就見仁見智啦。