南亞1964 (Closed)

每當去到銅鑼灣,一諗起要食乜就好頭痛,好多餐廳,晚上長時間都係多人,除非自己一早有心水,book定位,否則等半小時以上亦係得閒之事,而且,道路多人擠逼,要到達餐廳都係一件難事...南亞餐廳起既位置,屬於偏離鬧市既位置,附近亦有各式各樣既餐廳,而南亞1964,我係某本飲食雜誌上見到,而女朋友亦同我講小時候佢經常係呢間餐廳食飯,而本人亦鐘意食味道濃烈既食物,所以,我決定去一次試試...呢間餐廳,應有好多捧場客,所以每次去到,除非book定位,否則都要等十五分鐘多...餐廳裝修後,感覺唔錯,有種懷舊,但新淨既感覺...當埋位後,見到餐牌,二話不說點左海南雞飯,因為呢個亦係我要光顧既原因...亦點沙嗲串燒,串燒上檯先,賣相不錯,但口感麻麻,肉質頗硬,而且醬汁並不算得上有特色,比起街邊的貨色,有些還更好...至於海南雞飯,雞,亦不算太好,比較多骨,而且排列得不太好看...唯一可讚的是飯同湯,充滿雞油既香,湯就飲落並不是只飲味精...而三款基本醬汁,亦尚算可以...不過感覺似乎名過於實...最後,我地仲點左一個炸蝦餅,上檯後,我地都嚇到目定口呆,因為好大件,而且有三大件,兩人去食既話最好唔好點,因