新記芝士麵 (Moved) New Location

今朝一早起身，諗住食個靚早餐醒下神然後先返工。路過灣仔呢間冰室，見到好多名人都慕名而來，當然要一試啦。當我入到去之後還未坐好，更加未有時間了解下個餐牌有乜食，個伙記已經即刻揸住支筆，企係我隔離，問我食乜，顯得不耐煩，想第一時間同我落單。(不過我見佢同啲熟客就好友善）我連忙叫左個雞扒炒蛋麵跟一杯熱奶茶既餐。唔似一般冰室或者茶餐廳既set咁多款式，但心諗廿幾蚊個早餐，又有名人讚好既餐廳，會差得去邊。食物一到，我心知不妙係我面前既係一塊只得大家樂一半份量既炒蛋和雞扒（雞皮就好大塊但無乜肉，好神奇），雞扒浸到濕哂，份炒蛋又有黑色「燶燶」地，又好「嚡霎霎」（如圖）。但又諗起，廿幾蚊，有個麵，又有杯野飲，都算係咁啦。。但當我一見到個好似未熟既公仔麵，啲麵白到好鬼膠既時候。那一刻，我真係無咩意欲想試。當然如我所料，非常難食，個湯底完全無未。個麵完全係有啲生既感覺。之於杯奶茶。。。我更加唔識形容係咩味。個份雞扒，炒蛋質地好奇怪，其實難食到我有啲想嘔，但我都可以豁出去。但一間冰室，連最基本既公仔麵和奶茶都可以咁難入口。我真的無法接受。我見咁多人讚，一定差極又個「譜」，但食完覺得差到無譜。但我只評論早餐既