新記芝士麵 (Moved) New Location

非繁忙時間吃，員工好友善。芝士熱熱的和麵配合幾好，8元加底後男士都夠飽。之前繁忙時吃，D芝士唔夠熱，所以印象差D。環境普通但洗手間算可一用，但人家話明是"新記茶檔"所以都應接受！

2017年1月22日五人一行，叫左招牌芝士麵、雞髀飯、公司炒麵、泰式雞排飯、勁辣川椒牛肉煎蛋飯。份量非常少，唔夠飽，正常食量既都建議加8蚊加底。招牌菜「芝士麵」口味一般。其他既都係一般。泰式雞排正常。

一入到間餐廳，D椅子又爛，D侍應好似黑社會人士咁，勁無禮貌，咁都算啦，朋友話出名，咁未照試下啦。點知今日落雨，帶左把傘，但侍應話只可放在收銀旁，唔帶入去，咁我就照放啦，但走個時打算拿傘時卻不見了，咁我就問店員點算好，第一個答: 關我乜事！咁我就問另一個，第二個答：咁你想點呀! 咁ge餐廳，邊個想再食就去啦，但最好就唔好帶電話、銀包、傘、或所有值錢的物品，因為唔見左，唔單旨損失銀物，仲要受氣，見過最差的餐廳，小心小心。

星期日去食個午餐，一坐低侍應就問食咩，態度唔友善，送餐時又掉嘢食上枱，又被呼喝兩人坐一邊，因為佢地好多人客咁話。不過心想茶餐廳係咁架啦，都冇乜特別丫叫左個常餐 多士配煎蛋 豬頸肉螺絲粉賣相 一般，味道一般好淡味但食食下發現明明係清湯但碗入面竟然有d橙色類似蕃茄湯嘅漬，心想應該唔會係上一手嘅，邊有咁恐怖啊。咁我就繼續食啦，個粉無咩味之後回家個肚就有d唔舒服喇，可能天氣熱啦。其實尖沙咀新記係唔錯架，自創芝士麵係幾好食，都會介紹朋去。至於灣仔d間新記，可以話整衰唒個名，我係唔會再去。

芝士撈麵是這餐廳的招牌菜人目我今日偏偏就係吾食撈面！要試其他！勁辣川椒太陽蛋飯：吾好俾個名嚇到因為牛肉算不上勁辣但川椒味夠香辣得來有少少甜！但敗筆之處就係白飯上最淋左甜豉油而牛肉汁帶甜就變左太甜了！吾要甜豉油！牛肉加蛋撈飯以經好好味了！炸雞翼：細細粒容易食又入味！敗筆之處又係淋左甜豉油！炸雞翼好好地都吾明做物要 加豉油真O嘴但好彩冇整淋D雞翼！炸薯條：新鮮炸的熱辣辣脆卜卜比其他茶餐廳切得細條D好味D

今朝一早起身，諗住食個靚早餐醒下神然後先返工。路過灣仔呢間冰室，見到好多名人都慕名而來，當然要一試啦。當我入到去之後還未坐好，更加未有時間了解下個餐牌有乜食，個伙記已經即刻揸住支筆，企係我隔離，問我食乜，顯得不耐煩，想第一時間同我落單。(不過我見佢同啲熟客就好友善）我連忙叫左個雞扒炒蛋麵跟一杯熱奶茶既餐。唔似一般冰室或者茶餐廳既set咁多款式，但心諗廿幾蚊個早餐，又有名人讚好既餐廳，會差得去邊。食物一到，我心知不妙係我面前既係一塊只得大家樂一半份量既炒蛋和雞扒（雞皮就好大塊但無乜肉，好神奇），雞扒浸到濕哂，份炒蛋又有黑色「燶燶」地，又好「嚡霎霎」（如圖）。但又諗起，廿幾蚊，有個麵，又有杯野飲，都算係咁啦。。但當我一見到個好似未熟既公仔麵，啲麵白到好鬼膠既時候。那一刻，我真係無咩意欲想試。當然如我所料，非常難食，個湯底完全無未。個麵完全係有啲生既感覺。之於杯奶茶。。。我更加唔識形容係咩味。個份雞扒，炒蛋質地好奇怪，其實難食到我有啲想嘔，但我都可以豁出去。但一間冰室，連最基本既公仔麵和奶茶都可以咁難入口。我真的無法接受。我見咁多人讚，一定差極又個「譜」，但食完覺得差到無譜。但我只評論早餐既

同兩個同事出去lunch，見呢度門口貼左好多明星相，又有位，即管入去試下。入到去都無乜頭緒食咩好，於是叫職員介紹，佢就話豬頸肉、芝士麵同喇唦都唔錯，於是三個人叫左唔同嘅餐，但都係有豬頸肉既~同事A既係類似常餐，有豬頸肉公仔麵加火腿蛋多士，好正路；同事B叫左豬頸肉撈公仔麵，佢話好好味，但份量實在太少，男仔黎講只會半飽。而我就食豬頸肉喇唦，碗野比預期中辣，椰香不足，不過大家都不約而同覺得，呢度D豬頸肉真係堅好味！~

灣仔地帶，本人識條毛咩！全靠友人介紹，又有口褔！一路的士直入，只係慕住芝士撈丁呢款港式獨有美味而嚟！藏於小巷之中，間舖門面細細，如果唔係司機大哥喺正門口停車，自己揾真係好易睇漏眼！店舖細細，但過咗LUCNCH TIME都少爆，令我更加期待！| 雞扒芝士撈麵 |茶記當然就唔多評論食物賣相，始終最有風味嘅茶記美食就係唔太金鵰玉砌嘅港式市井風味！味道方面，雞扒比想像中鮮嫩，有種中學雞時放飯，走入茶記食個雜扒餐嗰種味道！同樣係快餐式嘅質素，但你唔會覺得厨房欠誠意，反而回味起哪些年嗰種風味！最重要係咁平嘅價錢，就享受到大大塊嘅雞扒！至於個芝士醬汁，香濃幼滑，唔會太稀或太「傑」，水份調節得啱啱好，令到成個撈面惹味又飽肚，學生哥點可能唔LIKE！？夾埋雞雞扒同個撈麵簡真係天作之合！而最最最最值得我畀正評嘅，係佢個公仔麵煮得剛好，唔會太硬太乾身，或太稔食之無味，淋上芝士醬汁，麵身仲有空間吸收個醬汁，撈一撈香氣四溢！正！

来香港旅游，人生地不熟，靠软件找到了这家餐厅，因为很爱吃芝士，所以就特地前往啦～我们点的猪颈肉芝士公仔面～貌似是招牌，卖相真的不好看啊，味道还可以啦～感觉是方便面上盖芝士🙄🙄还好还好啦～

今晚跟表哥表弟晚飯, 大家又不太餓, 就選了新記芝士麵其實新記都幾出名, 好多人食, 不過評論參差雞扒芝士撈麵:表哥表弟兩個都點一樣的雞扒芝士撈麵, 坦白說, 賣相真的.....雞扒不錯的, 煎得幾香但所謂的芝士撈麵就食不到好香的芝士麵, 而且麵太硬, 跟芝士沒有配合可言你話膩其實就不膩, 但不會食到你對佢的期望豬頸肉蟹柳公仔麵: 我基於胃口不佳, 就沒選芝士麵, 打算隨便食個公仔麵就算誰不知......真的沒想到, 一間專食麵的餐廳, 連一個公仔麵都煮得這麼差.....知道為什麼嗎? 因為除了豬頸肉, 所有所有的都沒煮過一樣, 湯又不夠熱, 味道又不好味建議, 不要嘗試去食了....好不值豬頸肉蟹柳公仔麵我就忘了幾錢一個, 但都要$40-$50的三個人, 食三個公仔麵, 要百幾蚊埋單, 好食既話就唔緊要, 但真係好難食而且成間餐廳既人不會理會你的, 由我坐下, 點餐, 食用到離開, 沒有一個只工有跟我們說過一句話....而且面口仲好難睇! 無謂食到自己一肚氣

之前去伊館睇concert睇之前去左食芝士麵🌚豬頸肉芝士汁公仔麵 $44 有大概6塊豬頸肉 其實冇乜特別芝士汁都唔算非常漏 但真係好普通😂價錢太貴了 食一次就好了

想來這店很久，但不知在那裡⋯昨晚飯後終於找到了（因我不知道巴路士街是分兩段的）^_^，加上今晚需要一些魔鬼的食物來平復一下我很爛的心情，所以終於來了。//長話短說，便點特別推介，豬頸肉芝士撈麵，一上菜時，真的其貌不揚，因只見一大堆芝士醬在上面。但撥開一些芝士醬後，就見到有不少的豬頸肉和公仔麵。//豬頸肉煎得很香，有點黑椒香，煎得略趣，當沾上芝士時，真的是絕配。//公仔麵煮得軟身但未至於軟爛；芝士醬夠多，可令大部分的麵都可沾上芝士醬，所以有不同的感覺而不飽膩。怪不得令人一試愛上，心情亦平復了一點。//今晚就與脂肪為伴吧，Cheese for cheers!

從來不是芝士粉絲不知為何今天挑起條筋想食芝士撈麵,新記大家應該唔陌生尖沙咀店跟老婆吃過so far so good咁啦明星食店貼滿相片揀咗豬頸肉芝士汁公仔麵$44芝士汁都香濃滑溜豬頸肉係較香脆那種質感麵條夠乾身整體好襯凍奶茶跟餐+$2也算不錯飲得過~

見到張餐牌有學生優惠,諗住叫啦, 跟住個姐姐幫我寫緊單,我問佢有無學生優惠,佢話有,仲問我有無學生證,跟住有個男人(可能係經理?)行過黎話"無架啦兒家", 但我望下張餐牌,寫住早上11點之後先有, 但個時係夜晚8點左右,所以我完全唔明點解無學生優惠,同埋如果兒家無學生優惠,咁佢仲寫係到做咩?之後好啦,到食物送到黎, 叫左一個煲仔面,一打開蓋,即刻無哂胃口,d肉煮到霉哂,仲有鑊屎。我哥哥果個餐,d肉煎得好黑,火腿又係,真係食到我地好唔開心,以後一定唔會再幫襯。

是咁的…本人對新記真的情有獨鍾，所以每次去灣仔都好想食新記。不過，近來不太敢食招「牌」（我上一次打錯字）芝士麵，因為實在太高脂肪和卡路里。上一次又預告過有晚餐，不知質素又會否與芝士麵看齊？這就是價值$59（凍飲還要+$2)的西檸汁雞扒晚餐了！到底是否扺食兼吸引？中湯及凍奶茶—中湯其實也沒甚麼期望，因為心知大多是「味精加水」，不過這個湯又「飲得下」：大碗之餘，蔬菜也夠多。凍奶茶是新記的招牌，是必飲的，這晚的一杯維持水準。蠔油時菜—沒想到會奉上時菜。普通的烚生菜，賣相欠佳，不過好爽口，而且都起碼有半個，甚至一整個小生菜，想不到外出用膳還有這麼大碟的菜。到底一向主打芝士麵的新記，可否成功炮製高水準的中菜呢？雞扒則挺脆，甚至過脆，脆得硬了一點，就這麼一點，但就有西檸脆雞的口感。至於雞扒沒有問題，鬆軟而能吸收「西檸汁」的味道。而西檸汁就太「汁」了，而且只鋪在碟底，還以為是油，不過酸度就稍嫌不夠，若多一點新鮮檸檬味就好了。總結來說：芝士麵外的中菜也算有驚喜，還想試試另外幾款呢！