Video
Read full review
2014-01-04
1414 views
晚上十點於灣仔搵食，呢個鐘數界乎晚飯與消夜之間， 有D食店都開始準備關門唔再接客，一直沿行人天橋向駱克道方向行，見到一地面店招牌寫著「三六九」望清楚原來係舊式上海飯店，搵到目標立即落去睇吓關門未。 推門見到約有七成客大多等候食物或正看餐牌， 應該冇咁快關門而店員亦示意我哋入去， 當然拿拿淋入去搵個位啦。三六九原來係爸媽曾提過嘅舊式上海飯店格局， 店雖小但絶唔馬夫入面會有整包點嘅位置， 有多款冷盤展現讓客人選擇，還有廚部負責各種小菜、湯羹、飯麵、甜品。 店員清一色穿上白色似舊式茶樓樓面嘅上衣， 有卡位亦有大圓枱，滿座時會安排搭枱。 這一切好似返到六十、七十年代景像一樣。今時今日，只有舊式上海飯店至保留供應客飯， 即一人份量嘅例湯+小菜+飯， 難得見到當然要叫一客排骨菜飯啦，完全喺快、靚、正，轉個頭就送上新鮮熱辣嘅青紅蘿蔔排骨湯、菜飯同炸同炸到金黃色嘅排骨。 我喜歡菜飯因為菜同飯嘅比例係5:5，而豬扒表面唔覺有一層麵漿個咬落好脆身唔乾，仲充滿五香粉味道。 當然唔少得叫湯年糕啦，雜景即樣樣都有包括雞肉、火腿、菜、蝦仁、鴨腎、豬肚等非常豐富，湯夠咸鮮濃郁而年糕應該係手切，因為大小厚薄不一，糕質
三六九原來係爸媽曾提過嘅舊式上海飯店格局， 店雖小但絶唔馬夫入面會有整包點嘅位置， 有多款冷盤展現讓客人選擇，還有廚部負責各種小菜、湯羹、飯麵、甜品。 店員清一色穿上白色似舊式茶樓樓面嘅上衣， 有卡位亦有大圓枱，滿座時會安排搭枱。 這一切好似返到六十、七十年代景像一樣。今時今日，只有舊式上海飯店至保留供應客飯， 即一人份量嘅例湯+小菜+飯， 難得見到當然要叫一客排骨菜飯啦，完全喺快、靚、正，轉個頭就送上新鮮熱辣嘅青紅蘿蔔排骨湯、菜飯同炸同炸到金黃色嘅排骨。 我喜歡菜飯因為菜同飯嘅比例係5:5，而豬扒表面唔覺有一層麵漿個咬落好脆身唔乾，仲充滿五香粉味道。 當然唔少得叫湯年糕啦，雜景即樣樣都有包括雞肉、火腿、菜、蝦仁、鴨腎、豬肚等非常豐富，湯夠咸鮮濃郁而年糕應該係手切，因為大小厚薄不一，糕質地好爽滑兼小小"in" "un"，一般超市賣即食已切片嗰D絶不能相比。 見每枱都差不多都叫嘅小籠包可以叫半客(5隻），所以又試埋。 皮係傳統比較厚身但富有彈性，唔會一夾就穿， 有湯汁而肉份量適中，免治肉有粗有幼質感，所以覺有D D 鞋。 無心插柳下搵到呢間傳統上海飯店，埋單都係$112， 抵食有機會再去的話要試吓門口一排展現出嚟嘅冷盤，好給引。
Post
