慈素小聚

Open Now

Now Closed

今日去咗尖沙咀k11對面嘅一間素食餐館試吓新式素食餐。餐廳裡面嘅座位幾闊落，靚靚，坐得幾舒服。餐點方面就係一啲新式啲嘅素食，同傳統素食館有啲分別。見餐牌分別有日式、西式同埋中式嘅素菜餐點，我哋就每樣都點咗少少試吓。首先試咗個秘製茄汁搭配三重奏芝士天使麵$118.00，呢個係最穩陣嘅素食餐點，芝士配茄汁一定好味。素食三文魚拼盤$68. 00配上豉油同Wasabi，味道同真三文魚一模一樣。黑松露鮮蘑菇忌廉湯$78.00，呢個都係比較穩陣嘅選擇，黑松露油非常香，配蘑菇忌廉湯一流。香菇竹笙菜胆翅湯$68. 00，個湯非常足料，燉煮時間非常足，夠晒濃味。四川擔擔麵$68. 00佢配上嘅麻醬再加少少嘅豆做嘅肉碎，辣味剛剛好，同真嘅四川擔擔麵一模一樣。椒鹽白靈芝菇$88. 00，加咗少少辣椒炒起上嚟特別香口。食完晚飯見枱上有午市套餐，$88就有湯，點心同主菜，好優惠，下次一定要去食。