Video
Read full review
2018-04-29
102 views
今晚又同大家介紹好野，就係荃灣大鴻輝21樓既《鮮一夜》。 我地有4個人，3女1男，我同其中1位朋友先到，另外2位會遲少少，侍應哥哥見我地悶悶地，就好好心咁提我地可以出去飲野先。 呢度醬料同飲品都係自助，想點配點飲都得，而且選擇多，尤其係飲品，任君選擇。仲有我最愛既雪糕，暫時記住先，打完邊爐先食甜品。 等左一陣，另外2位朋友到埋，可以上菜。首先上既係雞煲，但係落單前唔記得講走芫茜，呢度服務好好，侍應姐姐立即同我地換，仲叫我地等等，因為芫茜味濃，就算夾走左都會有味，師傅另外炒1煲俾我地。 佢地執生好勁，上住其他菜式先，首先上《花膠翅燉湯》，夠哂濃郁。之後係《鮑汁扣鵝掌鮑魚》，夠哂稔，唔會黐牙。然後係刺身拼盤，有5樣刺身，夠哂新鮮。 到差唔多食完，個雞煲亦都整好，個雞煲既好味程度係雞嫩惹味，連D洋蔥都有鮮甜味。 食完雞煲，就打邊爐，呢度算係半放題式，安格斯肥牛及海鮮拼盤係跟個火鍋一齊既，之後既配料可以任點，一輪可以點5樣，唔使點太多食唔哂做大嘥鬼。配料種類好多，總有1款岩大家。我地點左藥膳跟麻辣鴛鴦鍋，大家食下傾下，到10點半就散水走人。 總結黎講，$3XX可以食到雞煲、刺身、仲可以打埋邊爐
今晚又同大家介紹好野，就係荃灣大鴻輝21樓既《鮮一夜》。我地有4個人，3女1男，我同其中1位朋友先到，另外2位會遲少少，侍應哥哥見我地悶悶地，就好好心咁提我地可以出去飲野先。
呢度醬料同飲品都係自助，想點配點飲都得，而且選擇多，尤其係飲品，任君選擇。仲有我最愛既雪糕，暫時記住先，打完邊爐先食甜品。等左一陣，另外2位朋友到埋，可以上菜。首先上既係雞煲，但係落單前唔記得講走芫茜，呢度服務好好，侍應姐姐立即同我地換，仲叫我地等等，因為芫茜味濃，就算夾走左都會有味，師傅另外炒1煲俾我地。
佢地執生好勁，上住其他菜式先，首先上《花膠翅燉湯》，夠哂濃郁。之後係《鮑汁扣鵝掌鮑魚》，夠哂稔，唔會黐牙。然後係刺身拼盤，有5樣刺身，夠哂新鮮。
到差唔多食完，個雞煲亦都整好，個雞煲既好味程度係雞嫩惹味，連D洋蔥都有鮮甜味。
食完雞煲，就打邊爐，呢度算係半放題式，安格斯肥牛及海鮮拼盤係跟個火鍋一齊既，之後既配料可以任點，一輪可以點5樣，唔使點太多食唔哂做大嘥鬼。配料種類好多，總有1款岩大家。我地點左藥膳跟麻辣鴛鴦鍋，大家食下傾下，到10點半就散水走人。
總結黎講，$3XX可以食到雞煲、刺身、仲可以打埋邊爐，食物質素好，服務又好，直頭係平靚正！
Post
