Video
Read full review
2017-10-08
366 views
※本文以用餐當日的環境、服務和食物質素為準，口味亦因人而異，文章只作參考之用。-Naked原の味，這餐廳名稱似曾相識，終於記得係三年前曾試過位於中環的「Naked Gurume Gyarari」，同樣係食西日fushion菜，菜式的精緻程度，記憶猶新，相信係同一老闆開設。從中環遷移到人流較多的尖沙咀，餐廳環境闊落舒適，燈光昏暗有情調。一步進門左手邊係吧枱位，客人可一面把酒暢談，一邊細嚐西日配搭的精緻菜式；坐位與坐位間不覺迫狹，不說不知原來店內仲有一間可容納十多人的Private Room，似Omakase般格局圍著師傅坐。不過小妹無行到咁入，無影到相真可惜！餐廳主打西日新派菜，很多都用上名貴食材入饌，還保留了某些舊有菜式，剩係睇到菜式名都已經很吸引。餐牌上有分湯、沙律、蠔菜式、頭盤小食、壽司/刺身、丼飯、意粉、甜品和廚師推介等；另外仲有A/B/C 二人套餐揀，$588/$818/$1068，價錢由平到貴，唔想諗既話可以揀佢。(由於餐牌頁數較多，便不在此分享了)蟹子&明太子沙律 $78淋上惹味胡麻醬的沙律菜食落新鮮，裡面拌勻了蟹子和明太子，切成粒粒方形的明太子咬落有卜卜的口感和鹹鮮味，頗
-
Naked原の味，這餐廳名稱似曾相識，終於記得係三年前曾試過位於中環的「Naked Gurume Gyarari」，同樣係食西日fushion菜，菜式的精緻程度，記憶猶新，相信係同一老闆開設。
從中環遷移到人流較多的尖沙咀，餐廳環境闊落舒適，燈光昏暗有情調。一步進門左手邊係吧枱位，客人可一面把酒暢談，一邊細嚐西日配搭的精緻菜式；坐位與坐位間不覺迫狹，不說不知原來店內仲有一間可容納十多人的Private Room，似Omakase般格局圍著師傅坐。不過小妹無行到咁入，無影到相真可惜！
餐廳主打西日新派菜，很多都用上名貴食材入饌，還保留了某些舊有菜式，剩係睇到菜式名都已經很吸引。餐牌上有分湯、沙律、蠔菜式、頭盤小食、壽司/刺身、丼飯、意粉、甜品和廚師推介等；另外仲有A/B/C 二人套餐揀，$588/$818/$1068，價錢由平到貴，唔想諗既話可以揀佢。(由於餐牌頁數較多，便不在此分享了)
蟹子&明太子沙律
$78
14 views
0 likes
0 comments
蟹子&明太子沙律 $78
淋上惹味胡麻醬的沙律菜食落新鮮，裡面拌勻了蟹子和明太子，切成粒粒方形的明太子咬落有卜卜的口感和鹹鮮味，頗好食。
十四代本丸+卜口三點
$288
29 views
0 likes
0 comments
十四代本丸+卜口三點 $288
店家近來的推廣組合，包括三件大拖羅壽司和一杯十四代丸木的清酒。
這三件大拖羅分別以刺身、醬油燒拖羅和拖羅蓉呈現，每件都有恰到好處的魚香和油脂香；配上很純很易入口的十四代本丸，飲落帶有陣陣清幽果香，沒有很重的酒精成份，岩晒小妹不擅酒精之人享用。
原之味灸燒芒果三文魚箱押壽司
$128
8 views
0 likes
0 comments
原之味灸燒芒果三文魚箱押壽司 $128
一碟六件，賣相不錯的箱押壽司，面層鋪上芒果醬再灸燒過。
細看壽司飯，裡面仲加了木魚絲在內，感覺新奇。壽司有入口即溶的口感，帶陣陣清幽酸甜的芒果香，反而三文魚味不算明顯，而且整件夾起時壽司反較易散，不過味道是不錯的。
橙薑汁蒜片烤牛排
$188
7 views
0 likes
0 comments
橙薑汁蒜片烤牛排 $188
牛排加上蒜片、本菇仲有橙薑汁一齊炒香，牛排無炒至全熟，仲見到中間帶嫩紅色肉質，食落有嚼勁又有肉汁，有些仲帶有脂肪位，愈嚼愈香，帶有陣陣橙的清香及不算強烈的薑味，怕薑味的小妹都招架得住，仲跟左幾塊脆卜卜的紫薯片，好惹味。
本菇藜麥黑松露溫泉蛋意粉
$128
12 views
0 likes
0 comments
本菇藜麥黑松露溫泉蛋意粉 $128
意粉煮得有a dente口感，咀嚼中富彈性，將溫泉蛋拌勻後食質感更加滑溜。面頭的黑松露味不霸道，沒有搶去菇的味道，食落仲有超級食物藜麥豐富口感。
意大利特濃咖啡配抹茶雪糕
$128
5 views
0 likes
0 comments
意大利特濃咖啡配抹茶雪糕 $128
抹茶熱潮一直無減退跡象，所以餐廳都有供應抹茶甜品。用漏斗器皿裝住紅豆蓉、大利奶凍同抹茶雪糕，仲有一小枝特濃咖啡可按個人喜好添加，一次過食到幾種味道，夠晒豐富！下層仲有脆米可以加上上層一齊食，增加口感。
Post
