Video
Read full review
2021-10-22
183 views
放工同同事行咗去長沙灣食飯，呢邊真係有好多餐廳，乜嘢菜式都有！由於佢想食日本嘢🎌，所以我哋就揀選咗「鳥海山鐵板燒」。雖然餐廳名叫鐵板燒，但其實都有壽司同魚生食🍣，而且選擇都唔少。由於同事食客，所以我就等佢發辦啦。環境方面，餐廳設有吧枱位可以望住師傅整鐵板燒嘅過程😄，但其他座位就相對闊落啲。由於我哋都鍾意食飯🍚，特別係壽司醋飯，所以叫咗兩碗丼。誰不知丼飯係巨無霸份量，兩個女仔食一碗都可能夠飽，但我哋一人一碗…。炙燒丼($258)，炙燒丼類似係雜錦丼，不過並非角切丼咁切到碎濕濕，相反全部都係厚切大大片。魚生包括三文魚腩、呑拿魚腩、左口裙邊同帶子，經火炙後油脂咇晒出嚟，口感超滿足🔥。親子丼($128)，親子即係指三文魚以及三文魚籽，三文魚份量激多，可能有成十片，一次過食到夠。三文魚肥美，魚籽則爆汁鮮甜。丼飯仲會配會半隻糖心蛋，蛋黃流心效果一流🥚。鵝肝多士($89)，師傅手勢好，將鵝肝外層煎至金黃香脆，內裡就入口即溶，而且並無任何腥味或膶味。佢係我近嚟食過數一數二好食😋，好想Encore啊。牛仔骨($98)，🐮🦴燒牛仔骨都OK，肉質唔韌，熟度剛好，而且配乾蒜粒同醬燒汁食幾惹味。三文魚頭($98
放工同同事行咗去長沙灣食飯，呢邊真係有好多餐廳，乜嘢菜式都有！由於佢想食日本嘢🎌，所以我哋就揀選咗「鳥海山鐵板燒」。
雖然餐廳名叫鐵板燒，但其實都有壽司同魚生食🍣，而且選擇都唔少。由於同事食客，所以我就等佢發辦啦。環境方面，餐廳設有吧枱位可以望住師傅整鐵板燒嘅過程😄，但其他座位就相對闊落啲。
由於我哋都鍾意食飯🍚，特別係壽司醋飯，所以叫咗兩碗丼。誰不知丼飯係巨無霸份量，兩個女仔食一碗都可能夠飽，但我哋一人一碗…。
炙燒丼($258)，炙燒丼類似係雜錦丼，不過並非角切丼咁切到碎濕濕，相反全部都係厚切大大片。魚生包括三文魚腩、呑拿魚腩、左口裙邊同帶子，經火炙後油脂咇晒出嚟，口感超滿足🔥。
親子丼($128)，親子即係指三文魚以及三文魚籽，三文魚份量激多，可能有成十片，一次過食到夠。三文魚肥美，魚籽則爆汁鮮甜。丼飯仲會配會半隻糖心蛋，蛋黃流心效果一流🥚。
鵝肝多士
$89
2 views
0 likes
0 comments
牛仔骨($98)，🐮🦴燒牛仔骨都OK，肉質唔韌，熟度剛好，而且配乾蒜粒同醬燒汁食幾惹味。
三文魚頭($98/半個)，同事好鍾意噒骨，不過我就相反🙈。佢食得津津樂道，但亦不忘揀肉俾我食。魚頭幾大個，所以有唔少肉。熟咗嘅三文魚好易變腥，但幸好佢無，再者亦可沾酸汁食。
總括嚟講，今晚不知不覺間變成咗三文魚之夜🐟🐟🐟，我哋都食到好飽。餐廳定價喺呢區來講稍貴，但四周圍都係街坊小店，或許想轉口味可以嚟呢度。最後，店員服務主動有禮，抵讚👍。
Post
