八沢 (霎東街) (Closed)

已經係第三次嚟食呢一間日式餐廳，每次嚟食都係食黑松露忌廉海鮮烏冬，但係今次竟然係餐牌上面見到黑松露忌廉三文魚腩帶子烏冬，我太想知道呢兩個烏冬究竟有咩分別，所以就叫咗哩兩個烏冬啦😂餐廳嘅地點好易搵，正正喺利舞臺後面嗰條小巷，裏面嘅位置唔係太大，但好彩今次唔洗等位。🎈黑松露忌廉海鮮烏冬（三文魚、帶子）🎈黑松露忌廉三文魚腩帶子烏冬我就咁問過個侍應，佢話兩碗烏冬得一個分別，就係將三文魚換咗做三文魚腩等上咗呢兩碗烏冬之後，其實一眼就睇得出三文魚腩帶子烏冬嘅三文魚腩係多啲同埋大舊啲，所以你好明顯見到兩碗烏冬上面嘅配料小山丘一個高啲一個矮啲。而食落口之後個分別更加明顯，以前都唔覺得海鮮烏冬入面啲三文魚比較鞋，但係今次有比較有傷害，因為三文魚腩嗰碗嘅三文魚真係接近入口即溶，油脂好重，好好食！所以一比較之下，海鮮烏冬入面嘅三文魚就相對熟咗一啲。而帶子既話，兩碗嘅分別就唔大。呢度真係特別要提醒大家❗️因為我習慣將最好食嘅留到最後，點知因為浸得太耐，啲三文魚腩同埋帶子都熟左啲，無一開頭嘅時候咁好食，所以大家記得一定要即刻食咗三文魚腩同帶子先！