Video
Read full review
2017-10-25
6862 views
較早前收到朋友贈送的兩張港麗酒店咖啡園自助晚餐券，我同老公帶埋奶奶尋晚一齊去咗食自助餐🤗我哋都10分期待！話晒Conrad 係金鐘三寶其中一間，水準應該都唔錯嘅！自助餐晚餐時間係有6點鐘去到10點鐘。不設限時幾好👍🏻 我哋去到嘅時候係6點鐘。好快就有人帶我地坐低，我估可能因為平日嘅關係，晚上嘅Booking唔算Full, 所以即使我哋只有三個人佢都安排左一張五人枱比我地！讓我地坐得非常舒適👍🏻我哋坐低之後，隨即就有人行過嚟斟水俾我哋，之後同我哋講可以開始攞嘢食架啦，仲話我地知左邊推玻璃門出去，仲有BBQ同Pizza嘢食可以選擇！呢度嘅地方比較細，食物嘅選擇亦都比較少，冷盤嘅食物質素還可以，但熱盤食物方面啲嘢食其實都好味嘅，但係就唔夠熱。😩由於餐廳內嘅冷氣都大，所以熱盤食物即使有熱燈照住，拎到返埋位都已經凍哂👎🏻推開玻璃門出去睇吓戶外BBQ同埋Pizza有咩好食，選擇更少。有一個印度籍嘅廚師， 係BBQ爐前面負責燒嘢食，但係佢就掛住同另一個印度人傾計！我哋叫佢燒塊肉同腸俾我哋係未熟就叫我地比隻碟佢裝😡實在太可惡食食吓唔知發生咩事，餐廳每人派一隻鮑魚。不過味道一般去到晚上7:30，餐廳嘅侍
自助餐晚餐時間係有6點鐘去到10點鐘。不設限時幾好👍🏻 我哋去到嘅時候係6點鐘。好快就有人帶我地坐低，我估可能因為平日嘅關係，晚上嘅Booking唔算Full, 所以即使我哋只有三個人佢都安排左一張五人枱比我地！讓我地坐得非常舒適👍🏻
我哋坐低之後，隨即就有人行過嚟斟水俾我哋，之後同我哋講可以開始攞嘢食架啦，仲話我地知左邊推玻璃門出去，仲有BBQ同Pizza嘢食可以選擇！
呢度嘅地方比較細，食物嘅選擇亦都比較少，冷盤嘅食物質素還可以，但熱盤食物方面啲嘢食其實都好味嘅，但係就唔夠熱。😩由於餐廳內嘅冷氣都大，所以熱盤食物即使有熱燈照住，拎到返埋位都已經凍哂👎🏻
推開玻璃門出去睇吓戶外BBQ同埋Pizza有咩好食，選擇更少。有一個印度籍嘅廚師， 係BBQ爐前面負責燒嘢食，但係佢就掛住同另一個印度人傾計！我哋叫佢燒塊肉同腸俾我哋係未熟就叫我地比隻碟佢裝😡實在太可惡
食食吓唔知發生咩事，餐廳每人派一隻鮑魚。不過味道一般
去到晚上7:30，餐廳嘅侍應攞住一個手玲喺度搖，話今個月嘅主題係章紅魚，仲會有廚師👨🏻🍳切開條魚，然後刺身上， 俾大家食添。
廚師一路切魚，旁邊嘅女士應就講解呢一條魚多數係日本高級餐廳先至有得食！
我哋試左，個樣有啲似油甘魚，但係識落肉質好實在我覺得唔錯幾好味
甜品方面其實有好多選擇，但係我已經食唔落啦，所以我就食咗紅豆大福，焦糖燉蛋，迷你紅䓯忌廉撻。
其實仲有好多其他甜品我都好想食，例如檸檬撻啦，綠茶蛋糕啦，芝士蛋糕啦，黑松露朱古力Mousse ，佢仲有雞蛋仔，同埋三款唔同味嘅Movenpick 雪糕🍦
整體來講，酒店嘅服務質素都算係唔錯，加水，收碟嘅效率都好快。不過食物方面就冇乜驚喜，而且係保溫方面亦做得比較差。
我認為598+10% 喺港麗酒店食自助餐就唔化算啦。以呢個價錢應該可以有更多更好嘅選擇。
Post
