云手工火鍋店

Open Now

Now Closed

雞煲食得多，但三種椰子整成嘅雞煲我第一次食真係覺得好驚艷，一開始椰肉用嚟炒雞，已經聞到陣陣嘅香氣，之後到上雞湯，再倒入原個椰皇，同埋椰青王，未食之前我已經飲咗三碗湯，真係好鮮甜，唔會好油膩，好好味。隻雞仲都好滑，食晒啲雞先至用個湯嚟打邊爐。手工鮫子同埋蝦丸，味道真係食得出用心製作，最正食到芫荽餃，好重芫荽味，黃金蝦丸，入口好彈牙，入面更加有鹹蛋黃，特別香口。鵝腸已經唔係咁多地方可以食得到，呢度仲可以揀肥鵝腸定係瘦我腸，我揀咗瘦鵝腸但入口依然爽口，最精彩當然不得不提碟美國肥牛，配埋乾冰一齊上，打卡效果一流，味道亦都好好，入口即溶，牛味濃郁，今餐我真係唔記得已經飲咗幾多碗雞湯，因為真係超級好味，非常滿足。