三河屋 (Closed)

打從地鐵開通以後，紅磡嘅可達度越來越高，大口就梗係比以前更經常嚟呢度搵好野食。雖知道呢區小店多，好多食店都係臥虎藏龍，今次就係要嚟呢間喺區入面紅到發紫嘅日式食店-三河屋。老實講佢店面好低調，而且入到去都無咩裝修，所以都無咩好大嘅期待。不過今次大口嘅目的其實只有一個，就係要試一試佢嘅鰻魚飯！大口就當然點咗鰻魚飯($88)，朋友點咗漢堡扒忌廉飯($58) 鰻魚飯等了一會就上場喇！鰻魚有大半條，肉身好肥好厚身，入口無好多碎骨，，醬汁都好濃，大口表示好滿意！至於朋友嘅漢堡扒忌廉飯，佢話個忌廉汁都幾好味，甜甜地都鐘意。但漢堡扒就比較細舊舊，不過加埋紅蘿蔔同薯仔配菜都夠飽～　兩個其實味道都唔錯，但賣相呢，我覺得堡扒忌廉飯可以再加強一點點…不過總體而言，鰻魚係高質嘅，一定會再嚟!