Video
Read full review
2019-06-21
9624 views
今次係第二次嚟，上一次係七年前喇，價錢無點加，一樣有蠔，食物種類更多，服務更好，當然客人亦多好多。今次係上網訂枱，每位$100訂金，埋單比埋尾數$248，三百幾有齊蠔，海鮮，刺身，鵝肝，熱葷款式多而且質素唔錯，甜品亦絕不馬夫，職員人手充足又有禮。咁嘅價錢，性價比超高，真係想食多幾次。蠔唔係即開當然無即開咁新鮮，入口係比較Creamy，係我鐘意嘅口感，我覺得唔錯，而且不停Refill，無一刻係無蠔。每人會送一客和牛，油脂充足好好味。蝦都可以，螺同蟹無咩味。青口，藍青口都幾，蟹腳一般，沙白好新鮮又無沙。刺身好新鮮，帶子同有頭甜蝦都有。壽司種類都多，我影嘅時候係尾聲，右下邊係壽司飯。煙三文魚唔錯。仲有即切片皮鴨。焗蠔隻隻都脹卜卜，燴牛膝睇落大件，入口肉質鬆軟唔黐牙，兩樣都好味。吉列流心豬扒鞋同乾咗啲，燒牛肉夠厚但唔夠嫩，羊架肥瘦適中，顏色粉嫩，仲帶少少騷味，入口帶少少爽，好吸引呀。湯有三款：西蘭花忌廉湯，人參雞湯同中湯。七點半開始有煎鵝肝，唔夠油潤，都唔錯。即焗梳乎厘不停供應。甜品款式都幾多幾精緻，蛋撻仔，煎推，即烘窩夫，綠茶木糠布甸，蛋捲，啫喱，Mousse等等，全部都唔會太甜。另外凉粉，
蠔唔係即開當然無即開咁新鮮，入口係比較Creamy，係我鐘意嘅口感，我覺得唔錯，而且不停Refill，無一刻係無蠔。
每人會送一客和牛，油脂充足好好味。
蝦都可以，螺同蟹無咩味。
青口，藍青口都幾，蟹腳一般，沙白好新鮮又無沙。
刺身好新鮮，帶子同有頭甜蝦都有。
壽司種類都多，我影嘅時候係尾聲，右下邊係壽司飯。
煙三文魚唔錯。
仲有即切片皮鴨。
焗蠔隻隻都脹卜卜，燴牛膝睇落大件，入口肉質鬆軟唔黐牙，兩樣都好味。
吉列流心豬扒鞋同乾咗啲，燒牛肉夠厚但唔夠嫩，羊架肥瘦適中，顏色粉嫩，仲帶少少騷味，入口帶少少爽，好吸引呀。
湯有三款：西蘭花忌廉湯，人參雞湯同中湯。
七點半開始有煎鵝肝，唔夠油潤，都唔錯。
即焗梳乎厘不停供應。
甜品款式都幾多幾精緻，蛋撻仔，煎推，即烘窩夫，綠茶木糠布甸，蛋捲，啫喱，Mousse等等，全部都唔會太甜。
另外凉粉，椰汁西米，豆腐花係自助。
仲有麵刨布甸同焦糖燉蛋。
水果好甜。
仲有8款口味Movenpick任食，職員好有禮貌好有耐性。
Post
