SOYmart by 豆乳狂人

Open Now

Now Closed

今日收工喺出面食完飯突然間想食甜品，就係附近搵咗間豆乳狂人嚟食。因為食晚飯嘅時候食得太多，所以我同朋友只係叫咗一碗嘅三色芋圓豆花（$32）。呢間豆乳狂人我之前都試過佢嘅豆漿，但係就不過不失。估唔到今次試佢嘅三色芋圓豆花，發現又幾好食喎，豆花好有豆味，豆味香濃，食落去嘅時候好嫩滑。但佢豆花本身就冇乜味道，就加咗啲黑糖同埋淡奶落去令到有甜味，佢唔似傳統咁樣落糖水或者落黃糖。食落去幾特別。而三色芋圓嘅味道就不過不失啦。