Video
Read full review
2014-09-07
623 views
冇嚟三角公廁一排，呢日經過幾乎改頭換面，有啲舖頭唔見咗，又有啲新進駐。經過呢間，門口通透企理，與左右兩旁嘅韓食店、拉麵店、水餃店等截然不同。雖然價錢計埋都要一嚿水落樓，但係女友想食意粉而附近得呢間最似樣，就同女友入咗去。入到店內坐低，點完餐之後望住塞緊車嘅街道，完全唔覺自己喺煩囂鬧市！亦都係因為呢隻窗同埋清幽冇壓迫嘅環境，真係對住呢隻窗都可以望成日。卅多度陽光猛烈，一杯冰涼飲品確實好消暑。一杯朱古力，除咗面頭忌廉較多似冰山之外（其實都係一杯凍朱），其濃度應該有六十度左右，所以會偏苦一啲，朱古力味道亦都會突出一啲。呢杯係特飲，正價$35，跟All Day Breakfast只須加多十蚊雞。星期六嘅餐牌，唔覺有set lunch，只好退而求其次揭開主食餐牌。普通嘅主食唔跟飲品，但跟湯或沙律就只需加多十蚊。於是就叫咗碗湯。忌廉同磨菇味道都好濃郁好香滑。可能我哋係全日第一個叫湯嘅客人，所以啖湯都夠晒濃味。碟意粉嘅好味之處唔在於海鮮，而係啲蕃茄，意粉嘅色水吸引到我，即使啲三文魚或者其它配料幾咁新鮮都好！而事實亦都係，啲鮮茄味道入晒落意粉裏面，食落啖啖都係鮮甜蕃茄味道，因此碟意粉好難唔好味。呢碟A
入到店內坐低，點完餐之後望住塞緊車嘅街道，完全唔覺自己喺煩囂鬧市！亦都係因為呢隻窗同埋清幽冇壓迫嘅環境，真係對住呢隻窗都可以望成日。
卅多度陽光猛烈，一杯冰涼飲品確實好消暑。一杯朱古力，除咗面頭忌廉較多似冰山之外（其實都係一杯凍朱），其濃度應該有六十度左右，所以會偏苦一啲，朱古力味道亦都會突出一啲。呢杯係特飲，正價$35，跟All Day Breakfast只須加多十蚊雞。
星期六嘅餐牌，唔覺有set lunch，只好退而求其次揭開主食餐牌。普通嘅主食唔跟飲品，但跟湯或沙律就只需加多十蚊。於是就叫咗碗湯。忌廉同磨菇味道都好濃郁好香滑。可能我哋係全日第一個叫湯嘅客人，所以啖湯都夠晒濃味。
碟意粉嘅好味之處唔在於海鮮，而係啲蕃茄，意粉嘅色水吸引到我，即使啲三文魚或者其它配料幾咁新鮮都好！而事實亦都係，啲鮮茄味道入晒落意粉裏面，食落啖啖都係鮮甜蕃茄味道，因此碟意粉好難唔好味。
呢碟All Day Breakfast真係要介紹吓。日光日白食西餐牛扒（唔係茶記或者快餐牛扒）當早餐或午餐，都係第一次。價錢亦都係All Day Breakfast之中最貴嘅($98)，但係唔代表係最好味。沙律撈芝麻醬，唔會差得去邊嘅。
牛角包都焗得鬆化，一層層見得到嘅，少少油膩。
煎蛋其實可以轉炒蛋，今次呢隻煎雙蛋就好似熟咗啲，蛋黃篤穿咗之後都唔流出嚟，實的的嘅，蛋白就夠晒滑。
至於塊牛扒，抱歉，真係韌咗啲，好難先切得開同咬得到，好實，但係塊扒又唔係乾喎，啲肉汁都幾香幾夠味道，用嚟點牛角包或者點返塊牛扒都好夠肉味。至於係煎得老得滯定係選料問題，就由其他食家去發掘。
食完之後，我同女友都不約而同地講，唔想走，因為個環境夠晒好hea。
Other Info. :
自從佐敦間Delight's Pasta & Sandwich執咗笠之後，喺呢帶想搵間類似嘅Cafe都唔易。而呢間小店內有免費WIFI，服務同出品亦唔差，環境舒適，更加係免加一，正正填補返呢帶休閒Cafe嘅空缺。
(The above review is the personal opinion of a user which does not represent OpenRice's point of view.)
Post
