香格格酸辣米線 (Closed)

是日肚仔唔算太餓，求其搵少少野食當晚餐。香格格的所謂套餐，只有米線一碗，連飲品都唔包（熱飲加$5，凍飲加$7），咁都可以叫套餐咩？我點左一碗香茅豬扒酸辣湯公仔麵（中辣），價錢$26，今時今日來講真係唔算貴。之但係，只得一塊超細塊既香茅豬扒，乾乾硬硬，彷彿係隔夜翻炸的，失敗！公仔麵上檯尚未淋開，明顯未經明火煮過，只係用熱湯浸熟，失敗！雖叫中辣，但完全唔覺有辣味，又失敗！如此質素，真係唔會再回頭。