三鍋

Open Now

Now Closed

三鍋，大鍋灣仔多野食就好多人都知，今日去食火鍋，先叫湯底，叫了一份沙嗲湯底。第一眼已經覺得個鍋好大個，我今日同行共兩人，總覺得E個大鍋可以8人以上都沒有問題。真係好大好鍋。裡面本身有少量豆腐及菜等食材而且見到食店有部分位係做緊D區，如果係D區裡面，就唔洗趕住10點前走啦。加上今日唔係任食火鍋店，所以係時間上冇咁緊張，可以慢慢食住叫，傾住食，唔洗咁急。 食物方面，西班牙黑豚腩肉，其實有梅肉或者係腩肉可以揀既，今日就揀左腩肉，肥得黎有肉味，可能最近好耐冇食過，覺得腩肉邪惡得黎好正。 牛柏葉牛柏葉一向都係打邊盧必叫，灼一灼就可以食，而且本身係好爽口，同其他牛類唔一樣。但個鍋真係好大，要搵個大匙搵搵佢先。 響鈴響鈴仲要係即炸，係新鮮炸起，拎出黎仍然係熱架。同超市買到既完全唔一樣，熱辣辣。同埋佢捲得好好，唔會太厚..鮮蝦水餃裡面好大啖肉，加上爽口木耳調味亦調得好，唔會好咸。最後我一定要叫個烏冬，食完火鍋，再黎個烏冬就岩岩好。