Video
Read full review
2024-06-24
154 views
三門仔一日遊有簡單行山路線，一定要先醫飽個肚！三門仔比較偏僻，當然揸車人士較方便，但其實喺大埔中心搭74K巴士入去15分鐘左右就到三門仔站，仲喺正皇朝明珠門口落車，再隔離就係聯益碼頭可以揀搭船或者行山去地質公園我哋一行四人叫咗好幾款點心同主食，蝦餃、燒賣、菜苗餃等等點心可以逐件叫，連燉湯都可以一位起叫，彈性高好多。餐廳推介上湯金魚餃配水晶球我哋叫咗一位一份，擺盤好精緻，隻碟嘅花紋都好靚，金魚脹卜卜入面係蝦肉，另外水晶球好似粉果咁有啲菜有啲菇，好鮮甜🙌🏻 另外是日精選燉湯係竹笙湯，用瘦肉煲唔會太肥，但又好香肉味，竹笙清清地好甜。招牌脆皮乳豬例牌皮脆肉少肥，好食過好多大酒家！三式腸粉有鮮蝦、牛肉、叉燒，一次過滿足大家三個願望。蜂巢荔茸盒脆到不得了，入面芋茸好綿滑，鹹香可口。雪山流沙包即叫即做需時30分鐘，流心有鹹蛋黃唔會太奶太甜，脆皮酥酥的好食。買單仲送咗兩張$200晚市coupon，滿$1000就可以用到算好抵
我哋一行四人叫咗好幾款點心同主食，蝦餃、燒賣、菜苗餃等等點心可以逐件叫，連燉湯都可以一位起叫，彈性高好多。餐廳推介上湯金魚餃配水晶球我哋叫咗一位一份，擺盤好精緻，隻碟嘅花紋都好靚，金魚脹卜卜入面係蝦肉，另外水晶球好似粉果咁有啲菜有啲菇，好鮮甜🙌🏻
另外是日精選燉湯係竹笙湯，用瘦肉煲唔會太肥，但又好香肉味，竹笙清清地好甜。招牌脆皮乳豬例牌皮脆肉少肥，好食過好多大酒家！
三式腸粉有鮮蝦、牛肉、叉燒，一次過滿足大家三個願望。
蜂巢荔茸盒脆到不得了，入面芋茸好綿滑，鹹香可口。雪山流沙包即叫即做需時30分鐘，流心有鹹蛋黃唔會太奶太甜，脆皮酥酥的好食。買單仲送咗兩張$200晚市coupon，滿$1000就可以用到算好抵
Post
