紅島冰廳

Open Now

Now Closed

下午茶餓餓地去咗呢間新派港式茶記食tea！餐廳主打多款港式料理，從主食粉麵飯、小食、烘焙麵包、懷舊飲品，應有盡有，最近更推咗越南菜式menu，地點方便，價錢親民，可以一試～ 越南粉麵成日食所以叫咗個比較罕見嘅雞絲扎肉同鮮蝦柚子沙律，兩款嘅份量都唔少，下面鋪上滿滿新鮮又鮮甜嘅沙津菜，上面放配料，雞絲嫩滑，扎肉鹹香，蝦夠鮮，搭配酸甜柚子令到正義味道更加豐富💛tea time食物有好多款，樣樣都好吸引🥹 大部份option都有芝士搭配，芝士控表示心心眼～ 芝士炒蛋魚柳包同芝士煎蛋菠蘿油各有千秋，炒蛋牛油香氣四溢，魚柳外脆內滑，包皮鬆軟、煎蛋唔油，菠蘿包外酥內軟，配上香滑奶茶同咖啡簡直係perfect match～ 雖然好肥但私心推介呢度嘅西多士，即叫即整，外層炸到脆卜卜，上面有塊超級邪惡嘅牛油，切開後仲有芝士流心，層次感豐富，超級滿足～ 個雞髀都好正，幾大塊，外脆內嫩，啖啖肉又多汁，配埋炸薯，真美味😋遲少少入已經無曬酥皮蛋撻，唯有叫個葡撻作為甜點完結呢一餐，撻皮一層層，鬆軟香酥，充滿濃郁嘅奶同蛋香味，食落甜而不膩，都幾唔錯，另外貪得意要埋綠茶朱古力麻糬包，圓軲轆好可愛，夠曬fusion🤣