BOUNDLESS by REACTION

Open Now

Now Closed

同朋友食完飯想搵個地方坐低飲杯咖啡，經過Boundless見到唔使等位就入去了。之前黎到通常都係食野同埋飲咖啡，不過今次食飽先黎就無叫野食。 三個人就叫左三杯啡，分別係cold brew, hand drip and piccolo。 飲cold brew有冰好平常，有段時間亦盛行用大大粒波波冰。放半杯水入去整冰再直接半杯冰用黎serve都見過。再誇張啲可以用「冰杯」，真係用冰黎做隻杯，飲到最後連隻杯都溶曬消失埋。好喇，返返黎，今次遇到嘅係第二種情況，不過有少少變奏，就係舊冰45度角斜嘅。雖然最後溶到咁上下都係會浮返出黎，但係就幾有心思，喺佢浮出黎之前都有唔錯嘅視覺效果。 今次hand drip揀左一隻偏向floral帶有荔枝味嘅豆，好多時講就係咁講，未必飲到個味（可能係我問題啦）。不過今次就真係飲得返個味，甜甜地，咁當然唔係直接有荔枝味啦，係咖啡味之中夾雜住少少花香同荔枝味。除左一般嘅熱飲或者室溫飲，今次仲畀左杯冰，可以試下凍飲。 Piccolo方面維持水準，不過不失。