Video
Read full review
2017-03-30
215 views
怕人多擠逼，當然係遠離鬧市，所以又去堅尼地搵食！今次試咗西貢小姐越南菜，估唔到有另類得著！入到去先係感覺靜靜地幾舒服，其實客人都唔算少，點解可以唔嘈呢？原來鋪入面有唔少玻璃間開，想靜靜地傾下計呢到幾好！坐低就有侍應嚟介紹一下有咩好食，服務唔錯！其實佢講咗唔少知識畀我知，印象最深應該就係咖啡喇！不過呢個留返最後先講！講咗食物先前菜我哋叫咗個越式釀蟹蓋($78)，主菜就食火車頭湯河($98)，同埋甜品班蘭椰子焗蛋白($58)。釀蟹蓋未上之前侍應先畀刀叉我哋用，因為呢道菜個層次比較豐富，要用刀叉先可以感受到咁話，食落又真係噃！蟹肉絲混合蝦膠釀喺蟹蓋入面，咬落去每次都有唔同層次同埋口感，都幾好玩！至於個火車頭湯河就幾足料，肥牛、牛腩樣樣齊，最啱牛魔王揀。最有誠意嘅，係有好大條牛筋！正！個湯嘅香料味都幾重下，喜唔喜歡就見人見智喇。而個班蘭椰子焗蛋白我個人就好喜歡，我本身喜歡班蘭嘅香味嘅，聞落已經幾舒服，再加上味道都幾濃郁，用料夠哂，每一啖都好滿足！火車頭湯河($98)越式釀蟹蓋($78)班蘭椰子焗蛋白($58)好啦，講返個咖啡，個侍應介紹咗呢到嘅咖啡係按數字分嘅，數字越大味道越濃，2號「發現」咖
入到去先係感覺靜靜地幾舒服，其實客人都唔算少，點解可以唔嘈呢？原來鋪入面有唔少玻璃間開，想靜靜地傾下計呢到幾好！
坐低就有侍應嚟介紹一下有咩好食，服務唔錯！其實佢講咗唔少知識畀我知，印象最深應該就係咖啡喇！不過呢個留返最後先講！講咗食物先前菜我哋叫咗個越式釀蟹蓋($78)，主菜就食火車頭湯河($98)，同埋甜品班蘭椰子焗蛋白($58)。釀蟹蓋未上之前侍應先畀刀叉我哋用，因為呢道菜個層次比較豐富，要用刀叉先可以感受到咁話，食落又真係噃！蟹肉絲混合蝦膠釀喺蟹蓋入面，咬落去每次都有唔同層次同埋口感，都幾好玩！至於個火車頭湯河就幾足料，肥牛、牛腩樣樣齊，最啱牛魔王揀。最有誠意嘅，係有好大條牛筋！正！個湯嘅香料味都幾重下，喜唔喜歡就見人見智喇。而個班蘭椰子焗蛋白我個人就好喜歡，我本身喜歡班蘭嘅香味嘅，聞落已經幾舒服，再加上味道都幾濃郁，用料夠哂，每一啖都好滿足！
火車頭湯河($98)
越式釀蟹蓋($78)
班蘭椰子焗蛋白($58)好啦，講返個咖啡，個侍應介紹咗呢到嘅咖啡係按數字分嘅，數字越大味道越濃，2號「發現」咖啡係比較淡，4號「創建」就比佢濃，如此類推。而最下面、最濃嘅一款叫「貂鼠」($58)，就係呢到最推介嘅咖啡喇！大家都知貓屎咖啡啦，即係麝香貓食咗啲咖啡豆豆，經過個胃發酵之後去除咗啲苦味，沖出嚟嘅咖啡就會好飲啲喇！而貂鼠都一樣，只係主角變咗貂鼠仔啫。咁我當然想一試呢隻物以罕為貴嘅咖啡啦，不過飲越南咖啡都有啲嘢要注意，因為佢會用煉奶做底，先喺杯入面放煉奶，再喺其上加咖啡滴漏，唔喜歡甜咖啡嘅人可能會唔鐘意。但係呢個方法真係會令個咖啡好滑，好似我杯貂鼠第一啖飲落去直情同飲緊液態咖啡糖無咩分別，如果要形容就係好圓潤嘅感覺、好甜嘅味道同好濃嘅咖啡香！侍應哥哥話呢隻咖啡似摩卡咁有朱古力味道，又真係幾似，不過更加濃味。就係咁，我就上咗一堂咖啡堂，飲咗個貂鼠咖啡，同埋好想去學下沖越南咖啡喇！
貂鼠($58)
Post
