Video
Read full review
2019-05-19
46 views
哈哈，好耐無黎上水啦⋯ 唔係黎探契媽真係未必去咁遠～ 係彩園村行完惠康，見有間餐廳夜晚都有得食點心，所以同契媽飲個「夜茶」。可能我有少量潔癖，我好唔鍾意好多中菜館都幾污穢下⋯ 不過呢間譽小館係商場舖，地方坐得都幾舒服，加上價錢唔貴，都幾抵食。餐廳有多款點心、粥品及麵食，選擇都好多。岩岩坐低後，職員推介我們試個是日老火湯。本身都諗住係味精湯，但飲落真心有驚喜！今日的老火湯係豬展雞腳乜乜乜湯(掛住同契媽傾計，無留意清楚)，個湯落得好足料，味道飲落好甜，唔係一飲就係味精的鹹味。本身想叫個飯Share，但見職員推介我們的牛腩麵，所以我們就叫了一碗柱候牛筋腩麵。個湯雖然油左少少，不過勝在味道夠濃，加埋彈牙的幼麵，同我一樣鍾意食濃味野的大家就不能錯過。牛腩用上了騸牯牛，脂肪分布因而較平均，而且煮得夠淋又入味，難怪職員會推介！飲茶點會少了點心呢？呢到好多點心都係手造，而唔係入貨，所以食落都鮮D。特別係黑松露帶子餃，蝦同帶子食落都好鮮，而且每粒都大大粒。契媽鍾意食鯪魚球，所以見到蜆芥鯪魚球就不能不叫。呢個手打的鯪魚球炸得金香，入面魚肉彈牙但唔腥，點埋蜆芥汁真係鮮味十分。鮮蝦腐皮卷係我飲茶的必點之選！雖
可能我有少量潔癖，我好唔鍾意好多中菜館都幾污穢下⋯ 不過呢間譽小館係商場舖，地方坐得都幾舒服，加上價錢唔貴，都幾抵食。餐廳有多款點心、粥品及麵食，選擇都好多。
岩岩坐低後，職員推介我們試個是日老火湯。本身都諗住係味精湯，但飲落真心有驚喜！今日的老火湯係豬展雞腳乜乜乜湯(掛住同契媽傾計，無留意清楚)，個湯落得好足料，味道飲落好甜，唔係一飲就係味精的鹹味。
本身想叫個飯Share，但見職員推介我們的牛腩麵，所以我們就叫了一碗柱候牛筋腩麵。個湯雖然油左少少，不過勝在味道夠濃，加埋彈牙的幼麵，同我一樣鍾意食濃味野的大家就不能錯過。
牛腩用上了騸牯牛，脂肪分布因而較平均，而且煮得夠淋又入味，難怪職員會推介！
飲茶點會少了點心呢？呢到好多點心都係手造，而唔係入貨，所以食落都鮮D。
特別係黑松露帶子餃，蝦同帶子食落都好鮮，而且每粒都大大粒。
契媽鍾意食鯪魚球，所以見到蜆芥鯪魚球就不能不叫。呢個手打的鯪魚球炸得金香，入面魚肉彈牙但唔腥，點埋蜆芥汁真係鮮味十分。
鮮蝦腐皮卷係我飲茶的必點之選！雖然個皮炸得唔夠鬆，不過入面的蝦仁都幾多，食落都幾豐富。
女人天生有第二個胃專食甜品⋯ 我們叫了一份滋潤的順德雙皮奶⋯ 大大碗的雙皮奶食落又香又滑，如果鍾意食下甜品不仿試下。
Post
