Video
Read full review
2011-04-04
41 views
差唔多中午12點入去，之前見人等位場面今日星期一見唔到，一半台有客，幾清靜。早兩日已經入去試過牛通多士火腿，見樓下寫左就唔再寫，今日係試焗豬飯，聽人講話好食所以黎試下。姐姐寫完野就轉頭出張電腦單放台面。落單時間51分，2分鐘內茶走就到，可以接受，上一次都飲茶走，覺得唔錯所以今日再試下睇下會唔會茶膽味唔同，飲落滑有茶味，上水區算係好唔錯。因為冇乜客。 56分個焗飯黎，比較快，通常焗野要15分鐘左右，因為要過爐，so估到個飯應該比想像中冇乜“焗“，收唔到水。如果衣段時間冇客都係咁做，咁應該係廚房煮法係咁，佢地唔覺得要過爐過耐d，呢方面差d。標榜用水牛芝士放面，d芝士真係幾靚，唔錯，唔似普通荼記用平時夾麵包果d。撩開睇下d飯，係炒底，炒得幾靚仔，d蛋唔老飯夠白。豬扒斬件上，夠就夠厚，唔係好細塊不過可以再大塊少少，入味。不過d汁太多，我估因為焗得唔夠耐，而唔係落汁份量多，食落似燴飯，汁似太極鴛鴦d紅汁。overall d野就幾靚仔，份量較茶記少，焗野味道不及英發。10分鐘食完埋單走，＄34蚊，lunch可以接受，可以一試。btw，早餐如果食牛通，我唔想再去廣城lu，因為廣城要等好耐，呢度暫時會
早兩日已經入去試過牛通多士火腿，見樓下寫左就唔再寫，今日係試焗豬飯，聽人講話好食所以黎試下。
姐姐寫完野就轉頭出張電腦單放台面。落單時間51分，2分鐘內茶走就到，可以接受，上一次都飲茶走，覺得唔錯所以今日再試下睇下會唔會茶膽味唔同，飲落滑有茶味，上水區算係好唔錯。
因為冇乜客。 56分個焗飯黎，比較快，通常焗野要15分鐘左右，因為要過爐，so估到個飯應該比想像中冇乜“焗“，收唔到水。
如果衣段時間冇客都係咁做，咁應該係廚房煮法係咁，佢地唔覺得要過爐過耐d，呢方面差d。
標榜用水牛芝士放面，d芝士真係幾靚，唔錯，唔似普通荼記用平時夾麵包果d。撩開睇下d飯，係炒底，炒得幾靚仔，d蛋唔老飯夠白。
豬扒斬件上，夠就夠厚，唔係好細塊不過可以再大塊少少，入味。不過d汁太多，我估因為焗得唔夠耐，而唔係落汁份量多，食落似燴飯，汁似太極鴛鴦d紅汁。
overall d野就幾靚仔，份量較茶記少，焗野味道不及英發。
10分鐘食完埋單走，＄34蚊，lunch可以接受，可以一試。
btw，早餐如果食牛通，我唔想再去廣城lu，因為廣城要等好耐，呢度暫時會係replacement。
Post