譽小館 (Changed Hand) New Restaurant

朋友好鍾意食蝦，亦都好鍾意食點心，所以今次就帶佢去食以蝦為材料的多款點心。每次食點心都必點的鮮蝦燒賣，豬肉餡不會太多肥膏又爽口，加上蝦肉彈牙。黑松露帶子餃皮薄，有淡淡的黑松露香，帶子細細粒，味道都算鮮。米網蝦春卷炸至外層金黃香脆，裏面包著粒粒蝦肉，外脆內爽。再叫多健康的白灼菜心，菜心用鹼水碌過，所以顏色翠綠爽甜。最後一定要食這個很多人推介的燉雙皮奶，上枱時熱辣辣還冒煙，有蛋白香同時又有奶香，而且十分幼滑。整體點心質素有驚喜，全部都新鮮熱辣，而且用料新鮮，下次會再幫襯。