霞飛會館 (Moved) New Location

今晚同屋企人食飯，星期五中環好多大酒家都滿座，難得呢到有位就試下啦！頭盤叫左雞絲粉皮同糖醋排骨，細細碟好開胃呀！上海野必食嘅松子魚（$488），好大條桂魚，賣相好靚，大碟到五個大人都食唔晒！時令豆苗（$188），豆苗略為老左少少，呢個價錢應該比豆杯客人食啦！灌湯牛肉餅，餐廳推介食品，小心燙口呀！入面牛肉汁好多，不過皮就厚左少少。小籠包我無份食，所以未能評論🤣之後叫左麵食，擔擔麵好辣，食得辣就會覺得好好味；另外青菜偎麵，老人家話湯底幾濃幾好味；至於銀絲卷，17個月大嘅女女食到停唔到口呀！