Video
Read full review
2024-05-26
987 views
屋企人鍾意食上海菜，經過上海姥姥見佢新出咗個春日menu「姥姥江湖行」，入面啲菜色都幾特別。餐廳有卡位，環境都算坐得舒服，價錢大眾化。翠玉鮮蝦小籠包(4件) $48呢款新推出嘅小籠包，外皮加咗翠玉瓜汁所以帶綠綠哋色，非常特別。入面嘅餡料都非常有特色，用咗翠玉瓜同鮮蝦，比一般嘅小籠包更加有口感，皮薄多汁。姥姥肉棗配士多啤梨醬 $68呢味肉棗以潮州名菜蝦棗蟹棗為基礎，將豬肉混合馬蹄泥炸到香脆，配上酸甜士多啤梨醬，非常有特色。繁花排骨年糕 $88年糕同炸排骨嘅配搭非常夾，年糕吸收哂濃郁嘅醬汁，口感煙靭黏糯。厚切排骨肉質腍嫩，食落啖啖肉。姥姥辣椒炒肉 $88用咗嚟自湖南嘅青螺絲椒去炒肉，味道香辣惹味。鍋上滿滿嘅青螺絲椒加上入哂味嘅豬腩肉片，色、香、味都有十足嘅湘菜風味。黑糖芝麻湯圓流心酥(3件) $49甜品就叫咗呢道非常特別嘅湯圓流心酥。入口先係食到雷沙，跟住係酥脆嘅外層，同埋雪白軟糯嘅湯圓皮，最後就有香甜嘅黑芝麻流心餡，口感層次非常豐富。番石榴茉莉花茶(熱/凍) $28飲品方面我哋就叫咗番石榴茉莉花茶，有買一送一優惠非常之抵。飲落有香濃番石榴果味，配搭茉莉花茶同原片番石榴果肉，味道清香。。。
翠玉鮮蝦小籠包(4件) $48
呢款新推出嘅小籠包，外皮加咗翠玉瓜汁所以帶綠綠哋色，非常特別。入面嘅餡料都非常有特色，用咗翠玉瓜同鮮蝦，比一般嘅小籠包更加有口感，皮薄多汁。
姥姥肉棗配士多啤梨醬 $68
呢味肉棗以潮州名菜蝦棗蟹棗為基礎，將豬肉混合馬蹄泥炸到香脆，配上酸甜士多啤梨醬，非常有特色。
繁花排骨年糕 $88
年糕同炸排骨嘅配搭非常夾，年糕吸收哂濃郁嘅醬汁，口感煙靭黏糯。厚切排骨肉質腍嫩，食落啖啖肉。
姥姥辣椒炒肉 $88
用咗嚟自湖南嘅青螺絲椒去炒肉，味道香辣惹味。鍋上滿滿嘅青螺絲椒加上入哂味嘅豬腩肉片，色、香、味都有十足嘅湘菜風味。
黑糖芝麻湯圓流心酥(3件) $49
甜品就叫咗呢道非常特別嘅湯圓流心酥。入口先係食到雷沙，跟住係酥脆嘅外層，同埋雪白軟糯嘅湯圓皮，最後就有香甜嘅黑芝麻流心餡，口感層次非常豐富。
番石榴茉莉花茶(熱/凍) $28
飲品方面我哋就叫咗番石榴茉莉花茶，有買一送一優惠非常之抵。飲落有香濃番石榴果味，配搭茉莉花茶同原片番石榴果肉，味道清香。
。
。
上海姥姥 (港九新界都有分店)
將軍澳唐俊街9號PopCorn 2地下G50D號舖
。
。
@shanghailaolao @boxingpromotionshk
#上海姥姥 #春日餐牌 #姥姥江湖行 #手製心造 #姥姥味道 #香港好去處 #hkfood #hkfoodie
Post
