上海姥姥

Open Now

Now Closed

平日夜晚去左銅鑼灣睇戲，睇戲前去左食上海姥姥。上海姥姥就係戲院隔離，超方便，好岩睇戲前後去食。我地兩個人食，叫左四樣野食，分別係乾煸四季豆，糟溜魚片，涼拌海蜇，同埋嫩雞煨麵。落完單無耐，個海蜇好快就到左(仲快過埋單)，由於我地揀左輕盈份量，個海蜇真係好輕盈(睇圖就會知)，海蜇味道比較淡D，但都OK既。食完海蜇，四季豆就到左，乾煸四季豆就不過不失。至於糟溜魚片，主角魚片整得超滑，但d雲耳好似烚完放入去咁，完全冇味，不過因為魚片夠滑所以整體都可以既。而嫩雞煨麵我個人覺得係幾好食，d湯好濃滑，麵既軟硬度岩岩好，食落口感唔錯，可惜d雞就鞋左少少，唔夠嫩口。整體黎講，上海姥姥既出品可以話係有保證既，幾正宗得黎價錢又唔貴。不過清潔方便就要做好少少，因為我地張枱有個位有少少痴笠。