樂天皇朝 (青衣城1)

Open Now

Now Closed

眼見嗌既4樣嘢都由麵粉類搓成，無論小籠包、鍋貼、年糕，已經食到好飽🤭，青衣城又係主要連鎖餐廳，今次呢個集團又係-樂天皇朝。原味小籠包🐖🥟 $68 3/5餐廳主要話係八色小籠包為主，今次無試到，先試普通先，但個皮都幾厚，唔會一夾就爛，豬肉餡味道正常，無乜驚喜既感覺。🙃重慶紅油鮮蝦抄手 🍤🥟$78 3.5/5幾鐘意個紅油，有辣椒油又有醋香味，混和既味道刺激小編既味蕾😋，用了鮮蝦豬肉做餡，有爽口彈牙既蝦肉。無錫鮮肉鍋貼 $38 3/5個皮又係比較厚實，個底可以煎香啲，脆口啲，宜家厚實既煎香似食過年角仔，普通無乜特別。上海炒年糕 🫓🍡$93 3.5/5年糕掛汁情況尚可，味道咸香，年糕煙韌，配上冬菇絲，豬肉絲同白菜絲，整體不錯👌🏼。地點:青衣城3樓，有商舖，食完行街一條龍。環境:中菜廳既裝修設計，同隔離位都有距離感，保持私隱，佢另外提供籃仔比客人放袋🥰，貼心。價錢:人頭$160蚊，食得飽肚，雖然質素一般，但勝在對得住個價錢。服務:正正常常，上菜速度快，無特別。