樂天皇朝 (Closed)

好耐冇食過小籠包等等的上海菜，於是朋友提議話黎呢到食，第一次黎到尖沙咀既樂天皇朝，裝修好別緻，食物味道同衛生都好好。金草蜜芽山楂茶$18山楂茶飲落十分清甜。份量大大杯,加左蜜芽甜度足夠。原味小籠包$98雖然呢到有特色口味既小籠包，但係原味小籠包係冇得頂，一咬開大淡湯汁流出黎，肉餡又juicy, 皮亦夠薄。上海生煎包$40生煎包蒸香左，豬肉都夠新鮮，唔會話太油。蒸饅頭$26饅頭好軟熟，加左練奶好易食完一個又一個。四川酸辣湯$52酸辣湯作為前菜，十分開胃，酸酸辣辣，仲有蝦仁等配料，好足料的。