唯一麵家

Open Now

Now Closed

今日嘅午餐我揀左食上海嘢。而間上海舖個名係唔同地區都可揾到， 我印像中呢個排頭都應該開咗起碼20年。但係咪同一個老細就唔知，不過啲食物嘅質素就係差唔多㗎啫。我今日揀入去食野係因為我好細個之前已經食過同埋係我印像中呢間係好好食嘅。 平時呢間舖頭係坐滿人㗎，不過今日可能我早左食lunch，所以舖頭入面唔算多人， 唔使同人一齊逼。我叫咗一碗大嘅酸辣湯同埋三隻北京煎餃子。 碗湯好大碗，入面有好多料。主要有 豆腐乾、蛋、雲耳、冬菇、瘦肉等。今日個湯酸咗少少同唔夠辣。但都幾好飲。我懷疑加咗味精， 所以飲完之後有少少口渴。至於餃子入面有韭菜同豬肉，再煎香。 我加咗醋同埋辣椒醬，配埋一齊算唔錯。 可惜個皮煎得唔夠香， 但個皮仍然鎖到啲肉汁， 算好食。 今日叫得唔算多嘢， 不過對我嚟講，份量太大食唔曬。仲有，呢度抽煙糸統麻麻， 所以要有定心理準備，食完之後啲衫會有好大氣味。