鮨政

Open Now

Now Closed

媽咪一向中意食日本料理, 趁住今日早收工, 就同佢去咗上環呢間「鮨政」食Dinner, 原來仲新推出期間限定款式, 正好一試。餐廳以木系做主調, 開放式吧檯可以見到師傅主理壽司刺身。食物方面除了散點, 其中仲有併盤選擇, 更加抵食。【鰤魚壽司三味】HK$98分別有火灸鰤魚、胡椒鰤魚、同埋以紫薑同埋wasabi點驟配搭嘅鰤魚, 每款不同口感同驚喜, 正!【壽司拼盤】HK$480每款魚生都好新鮮有光澤, 軟綿口感嘅吞拿魚、鮮甜肥美帶子、甜蝦、黏滑鯛魚、有魚香嘅三文魚, 綿密蔥吞拿魚腩軍艦同埋三文魚腩細卷, 高質鮮美。【三文魚親子飯】HK$138壽司飯底, 配上厚切三文魚同埋三文魚籽, 增加口感層次同魚油香。丼飯跟一碗味噌湯。