% Arabica (鴨巴甸街) (Closed)

作為文青既我，星期日緊係去行下市集，行完PMQ後，見到對面大大個%符號既café,裝修好和風，所以去hea 下先Café既外觀簡潔，外牆設有一個大玻璃窗，裏面既客人可以一邊飲住咖啡，一邊望下窗外零靜既街景，非常寫意入面裝修以木和白色既牆身為主，收銀處旁有一張地圖，上面寫上了不同產地既咖啡豆。再行入少少，就會睇到一部炒豆機，可以睇到店內既豆都係自己一手一腳炒香而成。等左10分鐘，飲品終於上台。我叫左杯Ice Matcha Latte。綠茶既味道與鮮奶混合後，兩者唔會互相掩蓋，而令飲品變得單調。反而，綠茶令飲品變得更香滑。朋友叫左杯Coffee Latte，相信大家對呢杯都唔會陌生。Latte當然唔少得上面既Latte art。薄薄大概2cm既奶泡層，既不會粗，又可以享受香滑既奶泡，足已感受到調配師既功力。再加上，好既咖啡與牛奶既調配比例，飲落去，奶既味道明顯，令咖啡唔太苦，非常可口。整體黎講，飲品既質素非常好，值得大家一試。