Video
Read full review
2024-12-17
0 views
Sofi PASTA Co.📍上環文咸東街6號地舖踏入十二月，除咗係我最愛嘅聖誕月外，亦係朋友嘅生日月，今年我為佢準備咗兩餐精緻晚餐慶祝，事不宜遲，先為大家介紹下生日第一彈！經我精挑細選，Sofi呢間新開嘅本地意粉咖啡店成為我嘅首選！除咗因為喺社交平台預約同溝通生日寫字嘅過程順暢，實際到店嘅氛圍亦令我無後悔選擇一間新店同朋友慶生。Sofi主打pasta同coffee，下層只有數個座位俾人嘆啡嘆cake，上層先係用餐區。兩層風格都以原木為主調，搭配灰、白、米啡色餐牌同別緻嘅厚玻璃杯、櫥，簡約得嚟好有氣氛，有feel得嚟唔會過分壓迫。 💰$138經典卡邦尼煙腩肉麻花卷粉 🥓喺香港地要食到唔同種類嘅意粉，多數都要去手工意粉店或意粉專門店先有得選擇。估唔到店舖細細嘅Sofi就已有5款不同特色嘅意粉供應，實在令人驚喜。Casareccia因為其形狀同麻花相似，所以有麻花卷粉之稱，彈牙、掛汁力強等都係佢嘅特色。以Casareccia煮經典Carbonara就可以吸收大量醬汁，啖啖咬落都富有口感！而且除咗一般煙肉碎，佢哋仲特選厚切煙腩肉，肥瘦均衡之餘，能做到肥肉不膩、瘦肉不柴嘅效果，配埋shredd
📍上環文咸東街6號地舖
踏入十二月，除咗係我最愛嘅聖誕月外，亦係朋友嘅生日月，今年我為佢準備咗兩餐精緻晚餐慶祝，事不宜遲，先為大家介紹下生日第一彈！經我精挑細選，Sofi呢間新開嘅本地意粉咖啡店成為我嘅首選！除咗因為喺社交平台預約同溝通生日寫字嘅過程順暢，實際到店嘅氛圍亦令我無後悔選擇一間新店同朋友慶生。
Sofi主打pasta同coffee，下層只有數個座位俾人嘆啡嘆cake，上層先係用餐區。兩層風格都以原木為主調，搭配灰、白、米啡色餐牌同別緻嘅厚玻璃杯、櫥，簡約得嚟好有氣氛，有feel得嚟唔會過分壓迫。
[價錢 Price] 💰$138
經典卡邦尼煙腩肉麻花卷粉 🥓
喺香港地要食到唔同種類嘅意粉，多數都要去手工意粉店或意粉專門店先有得選擇。估唔到店舖細細嘅Sofi就已有5款不同特色嘅意粉供應，實在令人驚喜。
Casareccia因為其形狀同麻花相似，所以有麻花卷粉之稱，彈牙、掛汁力強等都係佢嘅特色。以Casareccia煮經典Carbonara就可以吸收大量醬汁，啖啖咬落都富有口感！而且除咗一般煙肉碎，佢哋仲特選厚切煙腩肉，肥瘦均衡之餘，能做到肥肉不膩、瘦肉不柴嘅效果，配埋shredded cheese一齊食，真係無得彈！
[價錢 Price] 💰$128
麻辣奶油虎蝦飲管粉 🍝
Bucatini則好似飲管，圓身中空嘅麵條更有彈性，口感比一般意粉好，裏裏外外都可以沾上微辛微麻嘅麻辣醬汁，層次亦有提升。三隻彈牙虎蝦交織一齊，顏色鮮艷，非常presentable。如果以為佢只係regular嘅紅醬意粉，相信食落一定會好驚喜！
[價錢 Price] 💰$57
開心果白玉燕麥奶 🥛
開心果燕麥奶上有厚厚一層奶泡，灑上開心果碎，杯緣置上一串白玉，日系風滿滿。燕麥奶嘅開心果味雖比較subtle，但入口順滑，無一般開心果飲料嘅甜膩感。白玉軟軟QQ，沾少少奶泡食又幾夾，飲落清香無負擔，值得試試。
[價錢 Price] 💰$68
有牛奶麻薯的糖不甩提拉米蘇 🍡
貌似剛才介紹嘅熱飲，實際上係牛奶麻薯的糖不甩Tiramisu！佢完全無咖啡味，mascarpone cheese中夾有軟轜牛奶麻薯，面上灑有香脆白芝麻，整體奶味濃香不羶，唔鍾意咖啡但想食tiramisu嘅朋友，絕對要試下呢款咁別出心裁嘅甜品！
最欣賞小店供應嘅甜品可以即場選擇寫碟服務，慶生嚟呢度真係無揀錯。如果想好似我咁，唔淨止得「Happy Birthday」祝福語，寫埋朋友仔名，記得訂位時提前同店員夾好啦！
Post
