Green Orange

同事介紹依間西餐廳就喺上環地鐵站附近，性價比相當高因為氣氛、環境同食物水準唔錯。我哋今晚嚟到仲發現餐廳提供Dinner Set for two，$六百幾起的價錢在中上環一帶真係買少見少。甜蝦刺身沙律沙律菜夠新鮮，橄欖油好香好滑，沙律醋汁帶少少酸先打開胃口😋粟米忌廉湯加入粟米、忌廉即打即熱，質地柔滑，粟米香甜味道濃郁。麵包籃🥖：麵包鬆軟，微微暖，簡單美味，蘸橄欖油或意大利醋可增添風味😋頭盤選擇唔少：可以選:炸魚薯條/ 墨西哥蟹餅 /雞肝醬拼盤/白酒忌廉青口唔怕邪惡嘅可以揀雞肝醬拼盤，平時比較少食。雞肝醬估唔到咁滑身幼細，有少少酒香，完全冇內臟嘅羶，味道好濃郁充斥着着口腔，放在烤到脆卜卜嘅多士着實美味😋旁邊有黑松露醬芝士，柔軟鹹香。沙樂美腸對我來説比較油膩，還好有酸青瓜中和返～法國玫瑰洛神花茶味道清新，反而玫瑰花🌹香味道較突出。第一份主菜我哋揀咗「10安士美國頂級西冷牛扒」，order 了7成熟，切開見到粉嫩的肉質顏色，煎得啱啱好，外皮有少少焦香，肉味濃，入口柔軟鬆化並有肉汁伴隨，近筋位部份更充滿牛油香氣，西冷牛扒實在處理得好出色！🥩配菜賣相一般但味道不俗，有一個類似酥皮窩夫盛滿龍蝦濃湯。