Video
Read full review
2024-11-05
239 views
📍Nissa la Bella（上環）收工嘆夜晚餐，呢間環境同服務質素都好高嘅法國餐俾咗驚喜我，食物質素亦好高。🍕尼斯洋蔥鯷魚橄欖薄餅 $128第一次試呢個薄餅，真係幾特別！酥脆嘅餅底充滿橄欖油香，上面鋪滿炒到金黃軟綿嘅洋蔥，個甜味勁搶眼。加埋少少鹹香嘅鯷魚同香脆橄欖，啲層次感好豐富，食落濕潤香甜，好開胃！🐙嫩炒八抓魚 $148呢個八爪魚沙律簡單又開胃，新鮮嘅八爪魚切成啱啱好嘅粒仔，炒得彈牙爽口，完全冇腥味。加上清甜多汁嘅車厘茄同洋蔥粒，食落清新爽口，啲層次感夠晒豐富，係開胃小菜嘅好選擇！🥔黑松露薯蓉 $108一食就知係隱藏嘅美味！薯蓉打得超級綿滑，仲要一啲粗粒都冇。最hit係嗰陣陣黑松露香，同薯仔本身嘅香甜味完美融合，有啲意想不到嘅驚喜！🥩肉眼牛扒配薯條 $328肉眼扒煎得好到位！外皮香脆，入面仲保持住粉紅色，肉質夠晒嫩滑多汁，牛味香濃。簡簡單單灑啲鹽已經好夠味，加啲醬料又係另一種享受。配埋香脆薯條同清爽沙律，完全係一個滿分組合！🍫法式泡芙 $108配雲呢拿雪糕、鮮忌廉及朱古力醬。泡芙外皮酥脆鬆化，夾埋滑溜溜嘅雲呢拿雪糕，再淋上面熱辣辣嘅朱古力醬，冷熱交織好刺激！一啖咬落去，又脆又滑
收工嘆夜晚餐，呢間環境同服務質素都好高嘅法國餐俾咗驚喜我，食物質素亦好高。
🍕尼斯洋蔥鯷魚橄欖薄餅 $128
第一次試呢個薄餅，真係幾特別！酥脆嘅餅底充滿橄欖油香，上面鋪滿炒到金黃軟綿嘅洋蔥，個甜味勁搶眼。加埋少少鹹香嘅鯷魚同香脆橄欖，啲層次感好豐富，食落濕潤香甜，好開胃！
🐙嫩炒八抓魚 $148
呢個八爪魚沙律簡單又開胃，新鮮嘅八爪魚切成啱啱好嘅粒仔，炒得彈牙爽口，完全冇腥味。加上清甜多汁嘅車厘茄同洋蔥粒，食落清新爽口，啲層次感夠晒豐富，係開胃小菜嘅好選擇！
🥔黑松露薯蓉 $108
一食就知係隱藏嘅美味！薯蓉打得超級綿滑，仲要一啲粗粒都冇。最hit係嗰陣陣黑松露香，同薯仔本身嘅香甜味完美融合，有啲意想不到嘅驚喜！
🥩肉眼牛扒配薯條 $328
肉眼扒煎得好到位！外皮香脆，入面仲保持住粉紅色，肉質夠晒嫩滑多汁，牛味香濃。簡簡單單灑啲鹽已經好夠味，加啲醬料又係另一種享受。配埋香脆薯條同清爽沙律，完全係一個滿分組合！
🍫法式泡芙 $108
配雲呢拿雪糕、鮮忌廉及朱古力醬。泡芙外皮酥脆鬆化，夾埋滑溜溜嘅雲呢拿雪糕，再淋上面熱辣辣嘅朱古力醬，冷熱交織好刺激！一啖咬落去，又脆又滑，朱古力醬同雪糕完美溶埋一齊，享受感爆燈！
♡♡♡♡♡♡♡♡♡♡♡♡♡♡♡♡♡
🍴餐廳：Nissa la Bella (差館上街) (上環)
📍地址：上環差館上街10-14號地舖
💸消費：900
♡♡♡♡♡♡♡♡♡♡♡♡♡♡♡♡♡
Post
