Video
Read full review
2024-10-06
150 views
上環呢一帶不嬲都好多餐廳，所以男朋友就帶我過嚟覓食，因為懶得諗食咩最方便一定係揀二人餐。餐廳氣氛好適合搞聚會，咁啱遇到隔離枱慶生仲有法文生日歌聽，覺得都相當推薦大家過嚟食，嘢食超級有誠意。一坐低就已經有一籃餐包，好食到忍唔住encore。‣ Set dinner for two $988· Smoked herring with steamed potatoes, shallots & parsley‼️超級推薦‼️平時好擔心啲魚會腥，但係餐廳嘅煙燻希靈魚真係好食到超乎預期。啲魚肉好細嫩而且仲帶有淡淡嘅木香，鹹香十足，搭配軟熟嘅薯仔一齊食口感真係一流，係相當精緻嘅一道前菜。· Chicory salad with blue cheese, poached pear & walnuts平時真係極少會食到菊苣，我覺得沙律最特別係佢混合咗菊苣嘅微苦、藍芝士嘅濃郁、梨嘅香甜同埋核桃嘅酥脆，夾埋一齊食真係好有層次，而梨可以中和到藍芝士濃烈嘅味道，一齊食就覺得好和諧。· Rigatoni truffle with parmesan, serrano ham & cream‼️極度推薦‼️我本身自己都好鍾意
‣ Set dinner for two $988
· Smoked herring with steamed potatoes, shallots & parsley
‼️超級推薦‼️平時好擔心啲魚會腥，但係餐廳嘅煙燻希靈魚真係好食到超乎預期。啲魚肉好細嫩而且仲帶有淡淡嘅木香，鹹香十足，搭配軟熟嘅薯仔一齊食口感真係一流，係相當精緻嘅一道前菜。
· Chicory salad with blue cheese, poached pear & walnuts
平時真係極少會食到菊苣，我覺得沙律最特別係佢混合咗菊苣嘅微苦、藍芝士嘅濃郁、梨嘅香甜同埋核桃嘅酥脆，夾埋一齊食真係好有層次，而梨可以中和到藍芝士濃烈嘅味道，一齊食就覺得好和諧。
· Rigatoni truffle with parmesan, serrano ham & cream
‼️極度推薦‼️我本身自己都好鍾意食Rigatoni，而我覺得佢嘅軟熟到啱啱好，有啲口感之餘又唔會太硬，係令我好滿意嘅口感，佢嘅厚度可以好完美咁樣吸收晒所有嘅醬汁。松露香氣撲鼻，好完美咁樣同cream嘅柔滑濃郁結合一齊，完全唔會覺得膩，真係一啖又一啖。而我覺得火腿嘅鹹鮮亦都係有助減低個膩感，令到成道菜嘅味道唔會好單調。
· Ribeyes steak with bearnaise sauce, salad & french fries（＋$88）
作為一個食肉獸，真係無論點樣都想嗌返舊牛扒，餐廳嘅牛扒都冇令到我失望，粉紅色嘅橫切面真係相當吸引。外皮有少少微焦，肉質都好軟嫩，啲薯條細細條食吓食吓就食咗好多，啲沙律都算幾大份。而最特別都係個伯納西醬，口感都係相當順滑豐厚，濃郁同時令到你超級滿足。
· Meringue with whipped vanilla cream, seasonal fruit, ice cream & fruit coulis
我覺得佢啲甜品都超級有誠意，蛋白霜外脆內軟，平時唔特別好蛋白霜，最後都食晒成個。成道甜品甜而不膩，甜度控制得超級好。cream好重奶香，但係同樣都唔會太過甜，中間有唔同嘅莓醬，酸甜交織令到胃口大開。
· Lemon tart with lemon cream & caramelized meringue
檸檬撻真係冇得輸，我好鍾意佢嘅酸，特別對比起蛋白霜，我覺得令到我食得晒成個撻就係因為佢嘅酸味好過癮，令到個甜品變得更加輕盈容易入口。整體嚟講口感清爽，但係又唔會太過甜膩，作為一餐嘅結尾真係超級完美。
Post
