Video
Read full review
2024-08-30
173 views
人情味濃無味精上環真隱世港式海鮮小店🐟🦐🦀店舖座落於上環歌賦街，店舖門面不大，門口用亮藍色作裝潢，店內裝修採用了舒適日系設計，帶點溫馨的家庭風格，濃厚的人情味。主打海鮮餐的店家堅持用最時令的食材，所以菜單有時會因應食材稍作改動，好彩的話可能有機會免費升級。可以WhatsApp查詢當天的時令海鮮。店員會首先好有耐心咁向我哋介紹各款菜式特色，時不時都問下菜式是否啱口味，服務質素一流~二人餐 HKD498 - 酸甜開胃話梅車厘茄員工親手一粒粒去皮！然後浸泡係梅酒，令車厘茄更入味。味道就係酸酸甜甜，非常開胃！- 炸物拼盤🍤🍗拼盤有炸魚肉燒賣、吉列炸蝦、酥炸日式餃子及炸魚餅，炸物都經過精心調味和酥炸，外皮金黃酥脆，內裡多汁鮮嫩- 蒜蓉蒸大虎蝦🦐成隻蝦仲大過我手掌，蝦肉彈牙鮮甜，蒜蓉同香蔥味好突出但都唔會蓋過虎蝦的鮮甜。而薯粉就剛好吸曬汁，十分入味。- 香茅檸檬鹽焗魚🐟平時會採用烏頭魚作鹽焗，今次升級採用龍占魚，粗鹽焗魚的方式比較特別，先用香茅檸檬去腥，再用鹽覆蓋整魚焗製，利用魚鱗的特性，魚肉唔會直接接觸到粗鹽，既保留鮮味又唔會過咸。秘製的醬汁略帶微酸味更加吊出魚的鮮嫩，都有少少似泰式食法。龍占魚
上環真隱世港式海鮮小店
🐟🦐🦀
店舖座落於上環歌賦街，店舖門面不大，門口用亮藍色作裝潢，店內裝修採用了舒適日系設計，帶點溫馨的家庭風格，濃厚的人情味。主打海鮮餐的店家堅持用最時令的食材，所以菜單有時會因應食材稍作改動，好彩的話可能有機會免費升級。可以WhatsApp查詢當天的時令海鮮。
店員會首先好有耐心咁向我哋介紹各款菜式特色，時不時都問下菜式是否啱口味，服務質素一流~
二人餐 HKD498
- 酸甜開胃話梅車厘茄
員工親手一粒粒去皮！然後浸泡係梅酒，令車厘茄更入味。味道就係酸酸甜甜，非常開胃！
- 炸物拼盤🍤🍗
拼盤有炸魚肉燒賣、吉列炸蝦、酥炸日式餃子及炸魚餅，炸物都經過精心調味和酥炸，外皮金黃酥脆，內裡多汁鮮嫩
- 蒜蓉蒸大虎蝦🦐
成隻蝦仲大過我手掌，蝦肉彈牙鮮甜，蒜蓉同香蔥味好突出但都唔會蓋過虎蝦的鮮甜。而薯粉就剛好吸曬汁，十分入味。
- 香茅檸檬鹽焗魚🐟
平時會採用烏頭魚作鹽焗，今次升級採用龍占魚，粗鹽焗魚的方式比較特別，先用香茅檸檬去腥，再用鹽覆蓋整魚焗製，利用魚鱗的特性，魚肉唔會直接接觸到粗鹽，既保留鮮味又唔會過咸。秘製的醬汁略帶微酸味更加吊出魚的鮮嫩，都有少少似泰式食法。龍占魚細骨不多，就算唔太識食魚的人都唔使太擔心。每份鹽焗魚即叫即製，限量供應，可以預先留貨。
鮮濃蝦湯泡菜鍋🐟🦐🦀🥣
材料包括: 海蝦、魚片、墨魚餅、豬頸肉、肥牛、金菇及雜菜, 非常之豐富！分量都比想象中大。
湯底係濃蝦湯，加上泡菜的微辣，惹味十足。(記得飲埋D湯啊！)
蝦籽蝦油撈麵 + 香蒜蔥油撈麵 🍜
雖然都係撈麵，但係配醬不同，味道都好有分別。整體來講，麵質滑口彈牙，加上有蔬菜作配菜，可以解膩。
蝦籽蝦油撈麵用左店家自家製蝦油，略帶鹹香，基本上每一條麵都沾有蝦油~ ; 而香蒜蔥油撈麵就十分之香口。
最重要的主打來啦，果日店家表示很高興，所以就拎左珍藏的人蔘酒請我地飲！超級驚喜！極濃人蔘香，而酒味唔會太過刺喉。大家不妨過來試下自己運氣，睇下飲唔飲到店家珍藏啦！
整體來説，座位闊落舒服，店家好客熱情，菜式特別，完成度高，價錢非常合理，係一間值得再度拜訪的小店。
Post
