Video
Read full review
2023-04-02
39 views
上環高水準日式餐廳 - 和藏 🍣今次黎到一所日式餐廳，餐廳基本上位於上環同西營盤中間，所以由2者地鐵站都可以步行前往。環境感覺舒適優雅又高格調。另外服務態度亦非常好，好照顧客人需求。食物質素都偏高質又精緻。*廚師發辦午市套餐 Omakase Lunch Set*六道菜餐單 (價錢因應主食選擇)先付 - 和風野菜紫薯沙律採用柚子醋嘅沙律，fresh得黎唔會太飽或太膩。入面仲有紫薯、荀、小蕃茄等食材，平凡中又帶點不平凡。刺身 - 拖羅 蜜柑鯛 甜蝦甜蝦係比較大隻個種，食落好鮮甜又新鮮蜜柑鯛都好新鮮美味！而拖羅嘅油脂分佈均衡，咬落充滿油香！蒸物 - 松葉蟹肉·金目鯛·雞肉·茶碗蒸茶碗蒸上層鋪左少許瑤柱絲、一片魚片，帶出海鮮嘅鮮香。底層有雞肉同蝦，帶出蛋香。感覺整體係冇乜味精唔會太咸，好清甜鮮美，食到食材嘅原汁原味！吸物 - 大和蜆味噌湯正所謂湯要好飲，最緊要夠熱！一打開蓋，已經可以見到味噌湯大量冒煙，可見有十足嘅熱度！而且非常足料，內含紅白蘿蔔、香菇仔、蒟蒻、蜆仔、豆腐卜絲等。味道上都係麵豉湯嘅味道，但就唔會係味精湯死鹹味道，相反係略帶有鮮甜嘅感覺，可見真材實料！食事 - 北海道西京銀鱈魚配
今次黎到一所日式餐廳，餐廳基本上位於上環同西營盤中間，所以由2者地鐵站都可以步行前往。環境感覺舒適優雅又高格調。另外服務態度亦非常好，好照顧客人需求。食物質素都偏高質又精緻。
*廚師發辦午市套餐 Omakase Lunch Set*
六道菜餐單 (價錢因應主食選擇)
先付 - 和風野菜紫薯沙律
採用柚子醋嘅沙律，fresh得黎唔會太飽或太膩。入面仲有紫薯、荀、小蕃茄等食材，平凡中又帶點不平凡。
刺身 - 拖羅 蜜柑鯛 甜蝦
甜蝦係比較大隻個種，食落好鮮甜又新鮮蜜柑鯛都好新鮮美味！而拖羅嘅油脂分佈均衡，咬落充滿油香！
蒸物 - 松葉蟹肉·金目鯛·雞肉·茶碗蒸
茶碗蒸上層鋪左少許瑤柱絲、一片魚片，帶出海鮮嘅鮮香。底層有雞肉同蝦，帶出蛋香。感覺整體係冇乜味精唔會太咸，好清甜鮮美，食到食材嘅原汁原味！
吸物 - 大和蜆味噌湯
正所謂湯要好飲，最緊要夠熱！一打開蓋，已經可以見到味噌湯大量冒煙，可見有十足嘅熱度！而且非常足料，內含紅白蘿蔔、香菇仔、蒟蒻、蜆仔、豆腐卜絲等。味道上都係麵豉湯嘅味道，但就唔會係味精湯死鹹味道，相反係略帶有鮮甜嘅感覺，可見真材實料！
食事 - 北海道西京銀鱈魚配白飯 $328
鱈魚非常嫩口，每啖都充滿油香，而且愈食愈鮮甜，非常好食！加上日式沙律醬，更加香口！配上白飯，感覺係最佳組合！好食！
食事 - 海之幸四色丼 $468
蟹肉、海膽、魚籽、帶子，全部最鍾意食既食材都集於一丼！一次過滿足所有願望！丼飯似乎採用左赤醋飯，色澤呈啡色，唔會淨係得白醋飯咁單調。帶子超級大粒又厚肉，味道鮮甜，仲加左少少柚子皮提鮮。魚籽脹卜卜粒粒飽滿。而海膽雖然得兩小條，但其濃郁與creamy嘅程度令人回味無窮。
甜品 - 和風雪糕聖代
甜品係一球抹茶雪糕加一小抹紅豆。雪糕充滿濃郁嘅奶香味，而紅豆嘅味道與抹茶味互相配合。又係一道平凡中帶點不平凡嘅甜點。
PS 題外話：餐廳仲附有廁所添！廁所好靚好大，竟然仲有橡筋、棉花棒、棉花片等護理用品，超細心周到！
Post
