和藏 (Closed)

繼續老母生日大餐系列😎 今年就帶咗佢去上環居酒屋和藏 🇯🇵 首先以健康嘅枝豆揭開序幕 份量十分慷慨 很好的餐前小食🤓日本生蠔·三文魚籽·帆立貝·柚子酸汁 🦪十分肥美鮮甜 呢個配搭新奇得嚟又好味 柚子酸汁畫龍點睛 清新嘅感覺好開胃💦宮崎A4和牛他他質感鮮嫩細膩 配上香脆紫菜天婦羅一脆一嫩 口感豐富有趣🐮燒宮崎A4和牛肉眼 medium恰到好處 紅肉脂肪比例均勻 肉質滑嫩juicy入口即化🐮 簡單配上黑椒/鹽調味已經令人欲罷不能 亦可以配搭附送嘅炸蒜片/梅子醃製青瓜/芥末根磨成嘅醬/芝麻蒜蓉漬 味道就更有層次！季節壽司盛合選取最當造嘅刺身 不時不食 每件都新鮮鮮甜 最鍾意就係肥美拖羅 油香四溢🍣煙三文魚忌廉芝士卷 煙三文魚煙燻風味同鹹味中和咗膩口忌廉芝士 滿足感滿滿🧀鵝肝海膽紫蘇卷 即叫即炸紫蘇卷包住鮮甜肥美鵝肝海膽 外脆內軟 亦貼心地附上可以解膩嘅紅酒漬無花果🍷食完肉再食返啲蔬菜中和下 燒物火候控制得好好 燒冬菇juicy鋪滿大量木魚絲 燒番薯外皮微焦 入邊香甜綿密🍠到最後仲有個贈送嘅柚子雪葩 啱晒食完大餐之後清一清味蕾 完美結束美味的一餐😋