臺北棧 (港威商場)

Open Now

Now Closed

日元咁低水，呢期真係冇咩動力飛去台灣，唯有係香港 check in 台北打打咭。尖沙咀店係港威商場，裝修好有心思，特別鍾意卡位一個個燈牌，台灣感覺返晒啦。以為呢個位食野會好貴，其實又唔係，同其他地方食台灣野都差唔多價錢。手工鳳梨酥麻糬蛋撻 $48蛋撻結合鳳梨酥麻糬，呢個組合真係要試試。表面睇唔到佢有幾勁，切開就見到厚厚蛋撻，一層麻糬，再鳳梨酥，流晒口水。如果你打算一人食一個，真係要有打大佬既心理準備。招牌滷肉飯 $68滷肉飯冇拆招牌，滷肉肥瘦均勻，滷肉足，加半隻蛋靚仔晒。髒髒鹹蛋黃芋泥餡餅 $88紫黃配色係幾吸引，更吸引既係中間厚厚芋泥，難得鹹蛋黃味唔會搶晒芋泥味，又係飽到一碟都會ko你。招牌牛肉麵 $118可以揀手工刀削麵或台灣寬粉絲。牛肉麵湯沒死鹹，亦不搶喉，特意加上牛油脂，味道就更香。牛肉腍，刀削麵口感滿滿，整體都有水準。蒜香三色台腸 $68三色台腸勁量多，食極都仲有，蒜香味一啲都唔搶。宇治抹茶牛乳 $55抹茶味濃而不澀，加牛乳口感香滑。