Video
Read full review
2017-08-13
1160 views
小弟第一次寫食評,因為個包實在太好食,要紀念一下.一開始無諗到咁好食,所以無影相,搵返佢facebook張圖算數.我一向都係幫襯開隔離間天龍樓,因為屋企人鍾意.一開始見到呢間茶餐廳,心諗都係standard野,無乜興趣.尋晚見到有個下午茶漢堡餐,$36有包有薯條有野飲,膽粗粗就今日去試下.一開始見到個包既材料,太陽蛋,煙肉,雞扒,沙律,芝士,個名叫做GTR唔知咩,我心諗,咪又係果D野.點知一等就等左20分鐘,冷氣又唔夠,間舖平時又坐唔滿,心諗好似中左伏.第一口當然係食薯條先,方形薯條黎,比廣告牌既又粗又長,不過勝在夠熱,唔錯.至於個包,第一眼我見到既反應係,條煙肉長過個包,塊雞扒又薄,又唔蓋上面既包上去,認真奇怪.但我食落口,我第一個反應就係,第一次食到咁完美既漢堡.首先,煙肉係彈牙既,通常我食開早餐既煙肉通常都係煎到乾晒,最多都係軟口,但居然係有彈牙既煙肉.第二,個飽脆得黎軟口,平時食快餐真係好難搵到,一係硬得滯,一係就咬唔開.第三,太陽蛋夾落個包度,蛋黃就夾爆,蛋白又夠薄,完全食唔出平時食開果D臭蛋白味.第四,雞扒夠軟,味道又夠淡,唔似得大家樂大快活果D又硬又實既雞扒,雞油味又重.
我一向都係幫襯開隔離間天龍樓,因為屋企人鍾意.一開始見到呢間茶餐廳,心諗都係standard野,無乜興趣.
尋晚見到有個下午茶漢堡餐,$36有包有薯條有野飲,膽粗粗就今日去試下.
一開始見到個包既材料,太陽蛋,煙肉,雞扒,沙律,芝士,個名叫做GTR唔知咩,我心諗,咪又係果D野.
點知一等就等左20分鐘,冷氣又唔夠,間舖平時又坐唔滿,心諗好似中左伏.
第一口當然係食薯條先,方形薯條黎,比廣告牌既又粗又長,不過勝在夠熱,唔錯.
至於個包,第一眼我見到既反應係,條煙肉長過個包,塊雞扒又薄,又唔蓋上面既包上去,認真奇怪.
但我食落口,我第一個反應就係,第一次食到咁完美既漢堡.
首先,煙肉係彈牙既,通常我食開早餐既煙肉通常都係煎到乾晒,最多都係軟口,但居然係有彈牙既煙肉.
第二,個飽脆得黎軟口,平時食快餐真係好難搵到,一係硬得滯,一係就咬唔開.
第三,太陽蛋夾落個包度,蛋黃就夾爆,蛋白又夠薄,完全食唔出平時食開果D臭蛋白味.
第四,雞扒夠軟,味道又夠淡,唔似得大家樂大快活果D又硬又實既雞扒,雞油味又重.
第五,菜同蕃茄既草味完全被芥末沙律醬蓋過,沙律醬咪又唔會太濃,係可以分到蛋黃味,煙肉味,沙律醬味,同淡淡既雞扒味,四種味道加上夠淡既芝士味同時都享受得到.
整體個包食落係唔覺得口乾,完全無一個部分係覺得硬.
每個食材都係有心去處理,呢幾年真係無食過咁有心機整既野食.
我自己寫完都覺得仲誇張過寫小說,但係個包真係咁誇張,誇張到我懷疑食唔到第二次.
Post