Cafeholic

Open Now

Now Closed

喺隔離文化博物館睇完野之後同男朋友去附近搵嘢食，因為一入商場好快見到依間野，感覺乾淨，咩都冇諗就入咗去啦。都意外有驚喜嘅：下午茶選擇都多，價錢都唔係話好貴，叫咗兩個set，一個係雞扒厚多士通粉，一個係普通窩夫，另外凍野叫左錫蘭奶茶同埋檸檬茶。錫蘭奶茶都幾正，男朋友好鍾意飲，覺得個味道比茶餐廳好飲，我就覺得嘢食方面非常好。炒蛋嘅味道+佢既雞扒醬汁=非常好嘅配搭，雞扒又好食，通粉以為冇咩味，但係佢個湯味都調校得唔錯，食落唔似味精湯。窩夫俾我想像中好食，個味道似麥當勞嘅熱香餅加糖漿。初次體驗唔錯，絕對會encore。