Video
Opening Hours
Today
07:30 - 22:00
Mon - Sun
07:30 - 22:00
Above information is for reference only. Please check details with the restaurant.
Recommended Dishes
今日同小朋友去沙田玩，玩完見到呢間餐廳好似都幾多人甘，應該都唔會伏，點知真係伏左。叫左三個大人餐，一個兒童套餐，但隻雞翼係生到紅卜卜，同個職員講佢話俾我聽係瘀血唔係唔熟，但另一隻雞翼係熟嘅。其實我無諗過要咩compensation，但都唔好甘hea 我。比小朋友食嘅食物都可以甘唔小心，服務仲要甘差，仲點會有下次。其他食物不過不失，係個吞拿魚意粉無吞拿魚😅
continue reading
由於在沙田返工，所以久唔久就會去幫趁佢哋嘅早餐/午餐。呢度環境乾淨又安靜，早餐係比茶餐廳貴少少，但係佢嘅蛋係新鮮又大隻，唔係水汪汪冇蛋味嗰啲貨! 檸檬茶係我嘅最愛: 香水檸檬加上清香的紅茶，既有茶味亦有檸檬香味，唔係苦澀的濃茶!佢嘅㗎啡都香濃順滑，飲完覺得好舒服~午餐雖然相對比較普通，但意粉爽滑、焗飯用炒飯。我經常選擇食佢嘅豬扒/排骨，唔會有梳打粉味♡希望....佢可以Keep到水準，我會繼續支持!!
continue reading
每次去沙田行完街要食飯嘅時候都會諗一大餐，因為喺沙田市中心食一餐飯真係唔平。有一次我哋就行咗去沙田新城市隔離嘅小商場-希爾頓中心，結果發現呢間價錢唔係太貴嘅西餐廳，見選擇都幾多，決定入去試吓啦。今次我哋就叫咗一個意粉同埋一個pizza。黑松露帶子蘑菇忌廉扁意粉呢個黑松露帶子雜菇忌廉扁意粉，賣相唔錯，有三粒帶子喺面，而且都有不同菇類喺裏面，而且黑松露忌廉汁都幾稠身，都幾掛汁，整體個意粉都幾唔錯。煙三文魚青芥末薄餅呢個煙三文魚青芥末薄餅比我想像中有啲驚喜，因為喺整個Pizza上面都放咗唔少沙律菜，雖然食嘅時候有啲論盡，但感覺就好似健康啲。而餅底方面都整得幾薄，都幾脆口，可惜煙三文魚就咸咗少少，不過整體都幾出色，二$96呢個價錢冇得輸。雖然餐廳環境唔錯，可惜嘅係員工嘅服務態度就一般般啦！
continue reading
星期六下午，中午去吃午飯。叫了牛扒、雞扒沙律。食物質素冇價錢合理的，所以一直有幫襯。但係服務就一貫地低於水平。一坐低叫完餐，牛扒好快就到。但係雞扒就等咗成15分鐘，牛扒都就嚟食完。吹咗佢一次，終於送到，但就睇住佢兩份沙律一齊出，其中一份是另外一台遲10分鐘才坐低的客嘅。睇得出佢哋出賽根本就亂咁嚟，唔係先落單先做，儲埋幾張先一次過出。結果就遲嚟先有得食，早叫就等足15分鐘。其實當時舖頭都未坐滿人，已經咁亂，人多就更加成日漏單。食落啲沙律，啲蛋仲要有蛋殼……再唔認真啲，好快生意就會比深圳搶晒啦！
continue reading
經常行沙田都會去食，食過佢嘅下午茶同晚餐牛扒嘢食雖貴但味道OK又無話特別好食只係沙田啲餐廳對比下其他特別貴所以㨂佢，諗住貴啲收加一服務費可以坐得舒服啲，點知有一次去食食食下叫人搭枱（我一個人坐二人枱）不止當天，我第二次去都係咁，無諗過哩啲收得咁嘅價錢餐廳都要搭枱，講服務態度真係無，叫佢唔回應，根本唔知佢係咪聽到我叫佢，叫多次佢又黑面晦氣，其實間餐廳食嘅嘢出面大部分西餐廳都食到完全無特別唔食哩間咁嘅嘢都無損失！！
continue reading